Mismunun á lífeyri eldriborgara

"Heldur eftir 65.000 krónum af lífeyrinum
Innlent | Morgunblaðið | 9.2.2011 | 5:30
Kristín H. Tryggvadóttir er 74 ára lífeyrisþegi sem þarf að lifa á jafnvirði lágmarkslífeyris, eða 65 þúsund krónum á mánuði, þrátt fyrir að hafa á langri starfsævi unnið fyrir eftirlaunum sem nema að nafninu til á fimmta hundrað þúsund krónum.
Lesa meira "

Mér finnst nú að þessi ágæta kona sé mjög vel sett hvað lífeyrir varðar.

En það sem vekur mesta athygli mína er sá gífurlegi mismunur sem er á eftirlaunagreiðslum opinberra starfsmanna og hinna sem á almennum vinnumarkaði hafa starfað.

Krístín er fv. kennari og hefur að loknu 40 ára lífsstarfi um 405 þúsund krónur á mánuði í eftirlaun.

Mig bara sundlar yfir þeim mikla eftirlaunamun sem er á milli eftirlaunaþega eftir því hvort þeir hafa unnið hjá Ríkinu eða í framleiðslugreinum vinnumarkaðarins.

 Að loknu >50 ára lífsstarfi nýt ég um 160 þúsund króna lífeyris úr mínum lífeyrissjóði á mánuði fyrir skatta. Ég er aðeins yngri en Kristín.

Sú hrikalega mismunun sem hefur viðgengist milli lífeyris ríkisstarfsmanna og hins almenna vinnumarkaðar er með öllu ólíðandi.  Þetta dæmi sem að ofan er rakið er góð sönnun þess.

 Lífeyrisrétti fólksins í landinu verður að breyta til jafnræðis.

 

Heldur eftir 65.000 krónum af lífeyrinum

Nýjar kosningar til stjórnlagaþings-strax

Forsætisráðherra, Jóhanna Sigurðardótttir

Jóhanna Sigurðardóttir forsætisráðherra vildi ekki biðjast afsökunar á þeim 280 milljónum sem fóru í súginn vegna galla á framkvæmd stjórnlagaþingskosninganna.
Lesa meira

Rétt hjá forsætisráðherra.

Nær að Hæstiréttur biðjist afsökunar á að hafa ógilt kosninguna til stjórnlagaþingsins með hreinum tittlingaskít í aðfinnslum. Sjálfur nýtti ég kosningaréttinn og var ánægður með framkvæmdina enda er ekki fundið neitt að kosningunni sjálfri-aðeins hluta af umbúnaðinum. Þessi umbúnaður þykir í lagi hjá okkar nágrannaþjóðum og það við pólitískar þingkosningar. Það þarf ekki mikið ímyndunraafl til að gera sér grein fyrir hinni pólitísku lykt af málinu. Dómararnir allir skipaðir af Sjálfstæðisflokknum utan einn. Og allir þekktir fyrir andstöðu við að auðlindirnar fari í þjóðareign að því fram kemur í fréttum í dag. (DV). Mikill meirihluti þeirra sem hlutu kosningu til stjórnlagaþings eru hinsvegar þjóðareign auðlinda fylgjandi.

Kærendurnir þrír eru þekktir vinnumenn á hinu póltískasviði Flokksins.

Nú er bara að endurtaka kosningu til stjórnlagaþings og klára málið. Forsætisráðherra hefur mikinn stuðning í málinu.

Biðst ekki afsökunar

Fiskveiðstjórnunarkerfið -uppstokkun á árinu

Bræla vestur af Gróttu

Afnemi kvótakerfið strax í ár
Innlent | mbl | 15.1.2011 | 16:01
Ólína Þorvarðardóttir, varaformaður landbúnaðar- og sjávarútvegsnefndar Alþingis, sagði á fundi Samfylkingarfélagsins í Reykjavík og Reykjavíkurfélags VG í dag, að ríkisstjórnin verði að afnema núverandi fiskveiðistjórnunarkerfi á þessu ári. Takist það ekki hafi ríkisstjórnin farið erindisleysu.
Lesa meira

Þetta sagði hún mikilvægasta verkefnið í atvinnumálum, byggðamálum og til lengri tíma í efnahagsmálum þjóðarinnar.

„Endurskoðun fiskveiðistjórnunarkerfisins er hluti af endurreisn samfélags. Við getum ekki staðið hjá við uppbyggingu atvinnuveganna. og ofurselt þá tilviljanakenndum markaðslögmálum. Nógu lengi hefur sú vegferð staðið og afleiðingarnar of dýru verði keyptar. Lærum af sögunni. Látum sögulegt tækifæri ekki renna okkur úr greipum, því stundin er runnin upp," sagði Ólína."

Tekið er undir málflutning Ólínu Þorvarðardóttur. alþingismanns Samfylkingarinnar. Á þessu ári verður uppstokkun á þessu fiskveiðistjórnunarkerfi að eiga sér stað . Ekki verður lengur unað við óbreytt ástand. Fyrningaleið á 20 árum er skynsöm leið og unnt að aðlaga sjávarútvegsreksturinn að breyttum forsendum á þeim tíma-án áhættu. Grundvallarmálið er að auðlind sjávar verði ótvírætt þjóðareign og nýtingin taki mið af þjóðarhagsmunum.

Afli af handfæraveiðum á grunnslóð

"Tveimur atriðum bætti Ólína einnig við og uppskar lófatak fundarmanna fyrir þau bæði. Annars vegar að gefa þurfi handfæraveiðar frjálsar við strendur landsins, en hins vegar að leiga aflaheimilda miðist við magn en ekki hlutdeild. " 

 Það er tekið undir þetta . Gefa á handfæraveiðar á grunnslóð frjálsar. Ofveiði á handfæri er óhugsandi. Þetta myndi treysta mjög tilveru byggðanna við strendur landsins. Og hráefnið í hæsta gæðaflokki.

 Það er megin hlutverk núverandi ríkisstjórnar að leiða þetta brennandi mál til lykta.

Því miður komst ég ekki á þennan merka fund í dag vegna sjósóknar eftir langa brælu.

.

Afnemi kvótakerfið strax í ár

Icesave lausn ekki jafn brýn og áður ??

Álverið í Straumsvík

Frétt af mbl.is

"  Ekki jafn brýnt að leysa Icesave nú líkt og áður
Viðskipti | mbl.is | 11.1.2011 | 10:50
 Þrátt fyrir að færa megi rök fyrir því að best sé að leysa Icesave-málið og horfa fram á veginn, eru Íslendingar ekki undir sömu tímapressu og áður. Þetta er mat Friðriks Más Baldurssonar, prófessors. "
Lesa meira

"Því er óljóst hvort það hafi verið í efnahagslega þágu Íslands að hafna fyrra Icesave-samkomulaginu; kostnaður vegna þess kann að vega þyngra en ágóðinn,“ segir Friðrik."    og

"Hann heldur því fram að með lausn Icesave-deilunnar muni erlendir fjármagnsmarkaðir opnast Íslandi, samskipti við nágrannaþjóðir muni batna, erlend fjárfesting muni aukast og hagvöxtur taka við sér. Einnig telur Friðrik að auðveldara verði að afnema gjaldeyrishöftin, með lausn Icesave-deilunnar."

Tafir á lausn Icesave deilunnar hafa kostað okkur mikið. Besta lausnin hefði verið vorið 2009. Ef þannig hefði farið væri hér björgulegra um að litast í atvinnu og viðskiptalífi. Icesave deilan hefur haldið okkur utan eðlilegra viðskipta við okkar helstu viðskipta og vinaþjóðir.

 Lánalínur hafa verið frosnar. ASG hefur haldið haldið okkur á floti - með lánafyrirgreiðslum. Þeir samningar sem nú er talað um eru sagðir mun lægri í krónutölu fyrir okkur en þeir sem buðust 2009 . Og ennþá eru lánin frá Norðurlöndunum óafgreidd vegna þessarar Icesave deilu.

Endilega fara að klára þetta mál og koma atvinnu og viðskipalífinu á fulla ferð -það er nóg komið.

Ekki sami þrýstingur á lausn Icesave og áður

Orkuauðlindirnar- eign þjóðarinnar

Hellisheiðarvirkjun

 Frá því Ísland byggðist hefur þjóðin lifað í landinu á auðlindum þess. Auðævi hafsins og gróður landsins voru  undirstaðan fyrir tilverunni. Lengstum bjuggum við að okkar auðlindum í friði frá erlendri ásælni.

En það breyttist með iðnvæðingunni. Erlendir togarar hjuggu alvarlega að sjávarauðlindinni .Fiskafli á Íslandsmiðum fór hratt minnkandi. Landhelgin var aðeins 3 sjómílur frá strandlengjunni umhverfis landið.

 Þjóðin hóf stórsókn fyrir tilveru sinni-um ári 1950. Stríðin um útfærslu landhelginnar hófust. Það var hörð barátta við ofurefli. En eftir um 25 ára baráttu fengum við viðurkennda 200 sjómílna lögsögu umhverfis landið.   Sigur vannst.

 En bæði gróður landsins og afli sjávarins eru takmörkum háð. Fleiri stoðir undir okkar efnahag eru okkur lífsnauðsyn. Nútímatækni gerir okkur kleift að nýta fleiri auðlindir landsins en fyrrum. Vatnsföllin og jarðvarminn ber þar hæst. Á báðum þeim sviðum hefur okkur tekist vel til-að nýta orkuauðlindirnar-tæknilega.

 En eins og með sjávarauðlindina fyrrum - þá er að okkur sótt-af erlendum aðilum. Reynt er að komast yfir þessi fjöregg okkar með ódýrum hætti.

 Á árunum eftir 1960 var þjóðin komin í vanda vegna raforkuskorts. Við höfðum ekki ein og sér ráð á að virkja hagkvæmasta kostinn til raforkuframleiðslu-Þjórsá við Búrfell.

Við tókum upp samstarf við svissneska álfyrirtækið Alusuisse um kaup á 70 % af raforkunni frá Búrfelli með því að reisa álverksmiðjuna í Straumsvík. Raforkuþörf okkar var fullnægt um sinn. Þetta samstarf gekk vel og með árunum stækkaði álverið Í Straumsvík og innanlandsnotkun á raforku stórjókst. Þessi háttur reyndist okkur  hagkvæmur.

Þó var raforkuverðið til stóriðjunnar lágt en möguleikar okkar sjálfra til aukinnar raforkunotkunar bætti það verulega upp.

 Um árið 1990 verða þáttaskil.

Samið eru um stórfellda raforkusölu til nýrra álvera þar sem öll orkan er nýtt í þeirra þágu. Sama lága verðið gildir áfram - það hallar á okkur frá fyrri tíð.

Umheimurinn hefur sett Ísland á kortið sem lágjalda orkusala. Ásókn erlendra aðila í okkar orkuauðlindir vex hratt og kapphlaup um að hremma sem mest af okkar orkulindum.

 Einn aðili fær einokunarrétt á allri jarðvarmanýtingu á Reykjanesskaganum til meira en eitthundrað ára-á spottprís- Magma kanadíska skúffufyrirtækið. Og hörð ásælni þess í íslenska orku leynir sér ekki.

 Íslendingar eru að komast í sömu stöðu með orkumálin og var með sjávarauðlindina fyrir hálfri öld. Erlendir aðilar ásælast mjög okkar vistvænu orku

. Bregðast verður til varnar. Við verðum að tryggja yfirráð okkar yfir orkuauðlindum landsins. Tilvera okkar í landinu er í húfi.

 Þáttur í þeirri baráttu stendur nú yfir . Þekktasti Íslendingur á alheimsvísu- Björk Guðmundsdóttir- leggur þessu brýna máli öflugt lið með söfnun undirskrifta til stjórnvalda-að tryggja íslensk yfirráð yfir okkar orkuauðlindum.

Skráið ykkur á þann lista : http://orkuaudlindir.is/  og tryggjum framtíð þjóðarinnar í landinu

Gamalt ár kveður og nýtt ár tekur við -árið 2011.

                                                       Frá Þingvöllum-Flosagjá

Árið 2010 er nú liðið í aldanna skaut og aldrei það kemur til baka-sem betur fer segja sennilega margir. Mikill fjöldi fólks hefur verið án atvinnu,skuldir margra erfiðar og fjöldi orðið gjaldþrota á árinu. Margir hafa orðið fyrir mikilli kjaraskerðinu - ekki hvað síst lífeyrisþegar. Mörgum því erfitt ár.

En sem betur fer er stærstur hluti þjóðarinnar vel settur-því ber að fagna.

Forystufólkið í stjórmálunum hefur staðið í ströngu - við erfiðar aðstæður-það hefur reynt á. Mjög margt hefur tekist vel í þjóðarbúskapnum og lykiltölur benda til að þjóðin sé á leið út úr kreppunni.

Erfiðasta málið er ennþá óleyst- Icesave- þó fyrir liggi nú ný samningsdrög á borði Alþingismanna .

Icesave deilan hefur reynst þjóðinni dýr það sem af er.

Í rúm tvö ár hefur þessi óleysta deila tafið mjög fyrir endurreisn efnahagslífsins. Enginn lánar Íslandi fé til fjárfestinga vegna deilunnar.

 Búðarhálsvirkjun er í frosti svo og miklar fyrirhugaðar framkvæmdir við stækkun og endurnýjun álversins í Straumsvík. Gagnaver á Suðurnesjum og fleiri stórframkvæmdir þar- eru í biðstöðu. Það sama er í Þingeyjarsýslum. Og margt fleira má tína til vegna lánatregðu til mikilvægra fjárfestinga og atvinnusköpunnar.

 Mikil verðmæti hafa því tapast vegna þess dráttar sem orðið hefur á lausn þessarar erfiðu milliríkjadeilu. Vonandi berum við gæfu til að leysa Icesave málið nú í ársbyrjun 2011- með samningum. Að fella samningsdrögin og keyra málið í dóm er talið mjög áhættusamt fyrir okkur. Það er allavega skoðun okkar dugmikla samningamanns ,Lee Bucheits .

 Forystufólkið í ríkisstjórninni hefur staðið sig með  ágætum í erfiðstu verkefnum  í stjórnarforystu á öllum lýðveldistímanum- þar ber hlut  Jóhönnu og Steingríms J. hæst.

En nú er nýtt ár að hefjast-árið 2011. Framundan eru bjartir tímar takist okkur að standa saman um lausn á okkar erfiðasta máli -Icesave.

Merkast fyrir mig persónulega á árinu ber hæst að dóttursonur minn Sævar Helgi Bragason og heitkona hans Inga Rún Helgadóttir eignuðust son um hádegi í dag gamlársdag 2010 og þar með er ég orðinn langafi....

Gleðilegt nýtt ár

 

 

Gleðilega og friðsæla jólahátíð

                                          Í -8°C froststillu á Leirvogi um áramót

Óska öllum blogglesendum og fjölskyldum þeirra gleðilegrar jólahátíðar

                                                             Sævar Helgason

                                                                                                   Ljósmynd: Sævar Helgason

Forsætisráðherra : Lilja geri upp við sig um stjórnarþátttöku

Hvetur Lilju til að samþykkja fjárlögin
Innlent | mbl.is | 10.12.2010 | 12:40
„Lilja Mósesdóttir verður að gera upp við sig hvort hún ætli að vera í stjórnarliðinu eða ekki,“ sagði Jóhanna Sigurðardóttir, forsætisráðherra, eftir ríkisstjórnarfund nú í hádeginu.
Lesa meira

Það getur verið erfitt að vera með hámenntaða sérfræðinga í ríkisstjórnarsamstarfi.

Þetta sést ágætlega á dr. Lilju Mósesdóttur, en hún er doktor í hagfræði. Klárlega vel menntuð á sínu þrönga sérsviði.

Í  stjórnarsamstarfi ,einkum á erfiðum tímum sem nú-þarf að taka ákvarðanir sem fyrir heildina skipta miklu en geta á þröngum afmörkuðum sviðum valdið efa. Þá er mikilvægt að þingmenn geti horft yfir sviðið og metið heildina. Það er við þær aðstæður sem sérfræðisvið viðkomandi getur orðið fjötur um fót.

 Ég held að sú ágæta kona dr Lilja Mósesdóttir sé ekki heppileg til setu í stjórnarsamstarfi af þessum ástæðum. Henni henti betur að vera í stjórnarandstöðu.

 Ég er sammála forsætisráðherra , Jóhönnu Sigurðardóttur um að Lilja verði að gera þátttöku í stjórnarsamstarfi upp við sig.

Þau Jóhanna og Steingrímur J. standa sig afbragðs vel við mjög erfiðar aðstæður....

Hvetur Lilju til að samþykkja fjárlögin

Mikil ásókn skuldara í almennu lífeyrissjóðina

Mikil óvissa í Stjórnarráðinu
Innlent | mbl.is | 2.12.2010 | 16:26
Enn er uppi mikil óvissa um hvort niðurstaða næst í dag í viðræðum lífeyrissjóða og ríkisstjórnarinnar um aðgerðir í skuldamálum heimila. Forsvarsmenn sjóðanna eru nú á fundi með fjórum ráðherrum sem hófst kl 15.
Lesa meira

Hún er mikil ásóknin hjá stjórnvöldum og ofurskuldurum að komast yfir almennu lífeyrissjóðina-í þágu skuldara. 

 Nú vill svo til að almennir lífeyrissjóðir eru eign sjóðfélaga í hverjum einstökum lífeyrissjóði. Sparifé launþega á almennum vinnumarkaði -á langri starfsævi þeirra sem nú eru á eftirlaunum.

Þessir lífeyrissjóðir eru ávaxtaðir á almennum markaði og lúta því markaðslögmálum með sparifé sjóðfélaganna. Það er ljóst að þessir almennu lífeyrissjóðir hafa orðið fyrir þungum búsifjum við efnahagshrunið. Hjá mörgum lífeyrissjóðum hafa eftirlaun verið lækkuð um tugi prósenta.

Og nú reyna stjórnvöld að höggva enn í þennan knérunn og færa hluta af sparifé sjóðfélaga yfir til ofurskuldsettra. Og lækka enn frekar eftirlaun gamla fólksins sem nurlað hefur þessu sparifé saman á langri starfsævi-til nota við lífsviðurværi að loknum starfsdegi. Fátt er heilagt - og þó.

 Lífeyrissjóður ríkisstarfsmanna og þar með stjórnmálamanna skal í engu ganga sömu braut og hinir almennu lífeyrissjóðir. Þar eru kjörin gulltryggð af skattgreiðendum-sama hvað á gengur hjá ofurskuldurum.

 Öll ásóknin beinist að hinum almennu lífeyrissjóðum-hinum almenna manni. Verði sú raunin að stjórnvöld og ofurskuldarar hirði úr þessum lífeyrissjóðum fjármuni-þá er það hrein eignaupptaka samkvæmt stjórnarskrá-þjófnaður.

Og þeir sem verst verða fyrir barðinu eru eftirlaunaþegar hinna almennu lífeyrissjóða.... Við bíðum spennt....

Mikil óvissa í Stjórnarráðinu

Lok Icesave deilunnar í sjónmáli ?

Lausn Icesave fyrir lok árs
Innlent | mbl.is | 2.11.2010 | 17:58
Samningaviðræðum íslenskra stjórnvalda við stjórnvöld í Bretlandi og Hollandi um lausn Icesave-deilunnar lýkur væntanlega fyrir lok árs, segir Össur Skarphéðinsson, utanríkisráðherra í samtali við Reuters.
Lesa meira

Þetta eru sannalega góða fréttir fari svo að þessari ömurlegu milliríkjadeilu ljúki nú fyrir áramót.

 Mikill léttir.

Tafir á lausn Icesave deilunnar hafa kostað okkur mikið. Besta lausnin hefði verið vorið 2009. Ef þannig hefði farið væri hér björgulegra um að litast í atvinnu og viðskiptalífi. Icesave deilan hefur haldið okkur utan eðlilegra viðskipta við okkar helstu viðskipta og vinaþjóðir.

 Lánalínur hafa verið frosnar. ASG ásamt Norðurlöndunum þeim tengd hafa haldið okkur á floti - með lánafyrirgreiðslum. Þeir samninga sem nú er talað um eru sagðir mun lægri í krónutölu fyrir okkur en þeir sem buðust 2009.

 Gott er það, en tap okkar á þessum drætti á málalokum hefur kostað okkur meira en hundrað milljarða í tapi á þjóðartekjum. Mál er að linni.....

Lausn Icesave fyrir lok árs

Rjúpnaveiðar og hlýnun á norðurhveli jarðar.

Allir með byssuleyfi í lagi
Innlent | mbl.is | 1.11.2010 | 13:52
Rjúpnaveiði hófst á föstudag og af því tilefni fóru lögreglumenn frá Selfossi til Þingvalla á sunnudag þar sem þeir stöðvuðu öll ökutæki sem fóru framhjá á meðan lögreglumennirnir dvöldu þar.
Lesa meira

Það var fjöldi fjallabíla sem brunuðu frá höfuðborgarsvæðinu ,fyrir birtingu ,að morgni fyrsta rjúpnaveiðidagsins á þessu hausti. Greinilega margir í veiðihug miklum.Sjálfur lagði ég leið mína á svæðið uppaf Þingvöllum og byrjaði í Skjaldbreið.

 Veður var gott, vægt frost og austan 2-4 m/sek. Skjaldbreið var öll hvítskellótt af nýlegum snjó og leit því vel út með veiði.

Talsverður fjöldi lagði leið sína á þetta veiðisvæði þennan morgun. En lítið var um rjúpu þarna. Eftir um fjögurra tíma göngu  upp og niður hraunið úfna hafði ég rekist á eina rjúpu-en hún slapp. 2-3 skot heyrðust allan þennan tíma. Það var greinilega ekkert um rjúpu í Skjaldbreið þennan daginn.

Ákveðið var að fara upp á Kaldadal við Þórisjökul-oft gjöfult rjúpnasvæði. Öll skilyrði fyrir rjúpuna voru mjög góð -en sama sagan - ekkert um rjúpu. Veður var milt ,logn og 2-3 °C frost.

Sumarástand var á fjallvegum . Krækiber á berjalyngi voru ennþá heil og æt. Það var tæpast komið haust þarna eins og reynslan kenndi síðustu áratugina.

Það er greinilega að hlýna á norðurslóðum og rjúpan virðist færa sig norðar í landið. Mjög lítið hefur sést af rjúpu á suður og suðvestur landi nú á þessu hausti.

 Aðrar fréttir berast norðan og vestan heiða. Mikið af rjúpu þar. Fróðlegt verður að skoða veiðitölur eftir þetta rjúpnaveiðitímabil.

Allavega hefur rjúpu fækkað undanfarin ár hér sunnan og suðvestanlands og sú þróun virðist stefna í sömu átt nú.

Skarfar í Melrakkaey 

Já, það er margt á breytast í lífríkinu á og við Ísland. Sjófugli hefur fækkað um 35-45% á síðustu árum. Fæða þeirra hefur fært sig norðar. Makríll flytur sig norðar og veiðist nú hér í miklu magni. Suður Evrópu fiskimenn horfa á eftir aflanum og eru æfir. Íslendingar eru skammaðir fyrir að veiða makríl í sinni lögsögu.

Og á Grænlandi bráðnar ísinn hratt og veiðibráð skreppur saman. Það er að hlýna á norðurhveli jarðar.

Allir með byssuleyfi í lagi

Jöfnun lífeyrisréttinda í landinu

ASÍ setur kröfu um jöfnun lífeyrisréttinda á oddinn
Innlent | Morgunblaðið | 15.10.2010 | 5:30
Það er skýr afstaða forystu ASÍ að ekki verði dregið lengur að jafna lífeyrisréttindi launafólks á almennum vinnumarkaði á við réttindi opinberra starfsmanna.
Lesa meira

Lífeyrissjóðakerfi almennings á Íslandi er afar frumstætt. Launþegar greiða um 11% af launum sínu í þessa sjóði.
Og sömu launþegar eiga þessa sjóði að sjálfsögðu.
En málum hefur verið þannig komið fyrir að atvinnurekendur eru jafngildir við stjórnun sjóðanna og eigandinn- sjálfur launþeginn. Reynslan hefur sýnt að fjárfestingabrask atvinnurekenda ( fjármálamógúla) hefur ráðið för í fjármálabólunni.
Þvi eru þessir sjóðir almennings rúnir og ruplaðir nú.                                                                                                                                                                                                       
Einnig eru þessir sjóðir notaðir sem einskonar viðbótar Tryggingastofnun til hliðar við þá ríkisreknu þ,e sjóðfélagar greiða félögum sínum lífeyri veikist þeir fyrir töku ellilauna.

Síðan er annar lífeyrissjóður  í landinu og sá  stærsti. Það er lífeyrissjóður starfsmanna ríkis og bæja. Þar eru kjörin öll önnur . Engin fjármálaáhætta er þar fyrir sjóðsfélaga sama á hverju gengur. Ríkissjóður gulltryggir öll kjör þessara sjóðfélaga .

Og hverjir borga það ?  Jú skattgreiðendur m.a almennir lífeyrisþegar- með lægri lífeyri.

Það er löngu orðið tímabært að allir landsmenn standi jafnir hvað varðar lífeyrisréttindi að loknu ævistarfinu. Núna er ríkjandi hrikalegt misrétti í lifeyrismálum.

Opinberir starfsmenn,þingmenn og æðsta stig stjórnsýslunnar búa við gulltryggðan lífeyrir af hálfu ríkisins meðan launafólk á hinum almenna vinnumarkaði sem stendur undir verðmætasköpuninni búa við hið íslenska markaðskerfi sem nú er í hruni. . Og í núverandi viðræðum um skuldavandann eftir hrunið er í umræðunni að klippa enn af hinum almenna lífeyri en lífeyrir hins opinbera skal engan þátt eiga þar að.

Það er tímabært að alþýðusamtökin beiti afli sínu og nái fram leiðréttingum og jöfnun á lífeyrir landsmanna. 

 

 

ASÍ setur kröfu um jöfnun lífeyrisréttinda á oddinn

Sjálfstæðisflokkur ekki vandur að virðingu sinni

Boða formenn flokka á fund í fyrramálið
Innlent | mbl.is | 6.10.2010 | 19:49
Bjarni Benediktsson, formaður Sjálfstæðisflokksins, segir að í dag kl. 15.00 hafi borist fundarboð vegna fundar í fyrramálið þar sem fimm ráðherrar ríkisstjórnarinnar hyggjast ræða skuldavanda heimilanna.
Lesa meira

Hinn ungi formaður Sjálfstæðisflokksins telur það Flokknum ekki samboðið að vinna með ríkisstjórninni að skuldavanda heimilanna í landinu og afþakkar boð um það.

 Nú er þessi skuldavandi heimilanna til kominn vegna hörmulegrar stjórnar Sjálfstæðisflokksins sem leiddi til efnahagshruns á Íslandi.

 Gríðarleg mótmæli urðu við setningarræðu forsætisráðherra við þingsetningu að kvöldi 4.október sl. Um 8-10000 manns mótmæltu vinnubrögðum Alþingismanna í heild sinni og lýstu miklu vantrausti á allt það lið-og krafðist úrbóta þegar í stað fyrir heimilin í landinu..

 Bjarni þessi, formaður Sjálfstæðisflokksins var þar síst undanskilinn. 

 Hann rífur bara kjaft og snýr upp á sig.

 Heimilin í landinu eiga ekki mikils að vænta frá hrunflokknum í  þeim skuldavanda sem Flokkurinn kom þeim í.

Boða formenn flokka á fund í fyrramálið

Mótmælaalda í uppsiglingu

Girðing um Alþingishúsið
Innlent | mbl.is | 4.10.2010 | 17:51
Álgirðing hefur verið sett umhverfis Alþingishúsið en búist er við fjölmennum mótmælum á Austurvelli í kvöld þegar umræða um stefnuræðu forsætisráðherra fer fram.
Lesa meira

Nú er Alþingi farið að bera svipmót af Litla Hrauni. Þar eru skaðlegir menn lokaðir inni og öflug ókleif girðing umhverfis.

Nú er að sjóða uppúr í þjóðfélaginu. Bankarnir og auðmenn eru ríki í ríkinu. Milljarða afskriftir skulda til handa auðmönnum á meðan heimili fólksins eru miskunnarlaust sett í nauðungarsölu . Gríðarlegur ójöfnuður er staðreynd. Matarskortur hrjáir mörg heimilin og börnin líða. Í okkar litla samfélagi getur svona ranglæti ekki þrifist. Stjórnvöld hafa þverskallast við að taka á vandanum. Nú er komið nóg . Fólkið rís upp og nú verður fjölmennt á Austurvöll og mótmælt -hávært-undir stefnuræðu forsætisráðherra. Gera má ráðfyrir að mótmælin stigmagnist - þar til úrlausn fyrir fólkið ´nær fram að ganga.... Hvað þarf mikið til ????

 

Girðing um Alþingishúsið

Þingkona hótar fjármálaráðherra vegna Icesave

Ráðherra dreginn fyrir landsdóms vegna Icesave?
Innlent | mbl.is | 20.9.2010 | 11:28
Ólöf Nordal, varaformaður Sjálfstæðisflokks, sagði á Alþingi að niðurstaða málshöfðunar gegn fjórum fyrrverandi ráðherrum gæti haft áhrif á hvort reynt yrði að höfða mál gegn Steingrími J. Sigfússyni fjármálaráðherra vegna þess hvernig hann hefur haldið á Icesave-málinu.
Lesa meira

Þetta er alveg ótrúlegur málflutningur hjá Sjálfstæðisflokkskonunni Ólöfu Nordal.

 Icesave málið er skilgetið afkvæmi Sjálfstæðisflokksins. Málið verður til í Landsbanka  sem flokkurinn gaf Bjöggunum.

 Við hrunið þegar innistæður allra Íslendinga voru tryggðar í bönkunum voru innistæður í íslenskum útibúum í Hollandi og Bretlandi skornar frá. Hörð andspyrna kom frá þessum þjóðum og Geir og Davíð neyddust til að gangast inná greiðslu lágmarksinnistæðna 20 þús evrur/reikning - ásamt 7.2 %vöxtum í árslok 2008.

 Ennþá stöndum við Íslendingar í þvargi um að komast að betri samningum.

 Það mál hefur lent á núverandi fjármálaráðherra- að hreinsa skítinn upp eftir þá Geir og Davíð- hrunkvöðlana.

 Nú hótar þetta lið Sjálfstæðismanna að kæra fjármálaráðherra fyrir þeirra eigin afglöp.

 Siðblint og siðlaust fólk.

Ráðherra dreginn fyrir landsdóms vegna Icesave?

Lánlaus ráðning umboðsmanns skuldara.

  Samfylkingin á þingflokksfundi
Innlent | mbl.is | 4.8.2010 | 15:24
Þingflokkur Samfylkingarinnar hefur verið boðaður til fundar. Árni Páll Árnason félagsmálaráðherra ætlar á fundinum að gera grein fyrir stöðu mála varðandi ráðningu umboðsmanns skuldara.
Lesa meira

----------------------------------------------------------------------------------------------------------------

Þetta er nú meira klúðrið- með "Umboðsmann skuldara"  Gera núverandi stjórnarliðar sér ekki ljóst að hið pólitíska umhverfi er gjörbreytt . Pólitísk einkavinaráðning fer klárlega í mulningsvél almenningsálitsins.

Það eru til orðnir öflugir fjölmiðlar sem greina málin fljótt og skýrt. DV og bloggið eru okkar sterkustu fjölmiðlar í dag, Moggi og Fréttablaðið eru ónýtir pappírar sem fáir taka mark á.

 Þessi lánlausa ráðning félagsmálaráðherra er hörmuð.   Og nú er talað um að ráða þá manneskju sem búið var að gengisfella með leka úr stjórnsýslunni um hæfileikaskort við framgang verkefna.  Hefur viðkomandi nú eitthvað hresst við?  

Klúðrið heldur áfram.

Samfylkingin á þingflokksfundi

Björk leggur almenningi lið í þágu auðlindanna

 Björk boðar til blaðamannafundar um auðlindir
Innlent | mbl.is | 16.7.2010 | 11:20
 

Björk Guðmundsdóttir og fleiri boða til blaðamannafundar á mánudag þar sem kynnt verður undirskriftasöfnun vegna áskorunar um orkuauðlindir Íslendinga.
Lesa meira

 

Það munar um liðstyrk okkar þekktasta Íslendings á heimsvísu nú þegar framtíð þessarar þjóðar til áframhaldandi tilveru í landinu er í húfi.

 Án nýtingar auðlinda okkar til sjávar,sveita,jarðvarma og vatnsins í þágu þjóðarinnar- verður nútímalífi ekki lifað í landinu.

Arðurinn af sjálfbærri auðlindanýtingu með virðingu fyrir landinu verður að falla þjóðinni í skaut.

Hin hörmulega uppákoma varðandi Magmamálið þar sem íslenskir braskarar voru búnir að sóa fjármunum orkuveitanna og gripu til þessa örþrifaráðs að selja aðganginn að orkunni fyrir slikk-til þriggja mannsaldra-er þjóðarsmán.

Nú blæs Björg Guðmundsdóttir til vakningar og baráttu fyrir landinu og þjóðinni sem það byggir-að auðlindir þjóðarinnar verði hennar og arðurinn skapi þjóðinni góð lífskjör með sjálfbærum hætti.

Björk er okkar þjóðarsómi.

Björk boðar til blaðamannafundar um auðlindir

Kreppunni lokið á Íslandi.

Kreppunni lokið segir AGS
Innlent | mbl.is | 28.6.2010 | 14:04
Alþjóðagjaldeyrissjóðurinn telur stöðugleika fjármálakerfisins ekki ógnað vegna dóms Hæstaréttar. Hins vegar hefur dómurinn töluverð áhrif á opinber fjármál og hversu hratt verður hægt að aflétta gjaldeyrishöftum. Þetta kom fram á fundi fulltrúa AGS með blaðmönnum, þar sem einnig kom fram að kreppunni sé lokið.
Lesa meira

----------------------------------------------------------------------------------------------------------------

Fulltrúar Alþjóðagjaldeyrissjóðsins lýsa því yfir að kreppunni á Íslandi sé "tæknilega" lokið. Þetta eru ekki neinar smáfréttir. Rúmlega eitt og hálft á er frá hruni efnahags Íslands .

Og nú erum við komin á uppleið á ný með efnahagsmálin. Þetta er ekki neinn smá árangur á ekki lengri tíma.

Ljóst er að núverandi ríkisstjórnarflokkar hafa almennt staðið sig vel við endurreisn Íslands eftir að Sjálfstæðisflokkur ásamt Framsókn og með Samfylkingu á lokakaflanum-settu efnahaginn í rúst.

Alþjóðagjaldeyrissjóðurinn hefur reynst mikil hjálparhella í endurreisninni. En margt er ógert til endurreisnar-einkum fyrir skuldsettustu heimilin í landinu. Einnig þarf að koma til farsæl lausn vegna ólögmætra gengistryggðra lána.

 En mest áríðandi er fyrir þessa þjóð að tengjast ESB og fastsetja gjaldmiðilinn við evruna eða taka upp evru sem gjaldmiðil. Fyrr er ekki hægt að aflétta hér hörmungum verðtryggingar og hárra vaxta.

 Ein og sér getum við ekki byggt þetta land á nútímavísu með landinu lokuðu og hina íslensku krónu í grunninn

. Framtíð Íslands veltur á fleiri þáttum en fiski og landbúnaði -þó góðar séu þær grunnstoðir.

Hátækni,orkunýting og úrvinnsla úr okkar hráefnum verður  að koma til viðbótar frumgreinum okkar.

Öflug tengsl okkar við Evrópu verða þar lykilatriði.

Kreppunni lokið segir AGS

Eru ESB átakalínurnar að riðla flokkakerfinu ?

Óþarfi að sundra flokksmönnum
Innlent | mbl.is | 26.6.2010 | 20:32
Það var hart tekist á á landsfundi Sjálfstæðislokksins í dag, þegar málefni Evrópusambandsins báru á góma. Mikill hiti var í salnum þegar ályktun um Evrópusambandið var rædd og gengu ósáttir landsfundarmenn á dyr, þegar niðurstaða fundarins lá fyrir.
Lesa meira

----------------------------------------------------------------------------------------------------------------

Hörð og afdráttarlaus samþykkt sem andstæðingar ESB aðildar innan Sjálfstæðisflokksins náðu fram á  aukalandsfundi þeirra-markar tímamót hjá þessum flokki.

 Ljóst er að ESB aðildarsinnar innan flokksins una ekki þessari niðurstöðu . Sjálfstæðisflokkuirnn er í uppnámi. Stofnun á nýjum miðju/hægri flokki er í uppsiglingu.

 Hætt er við að þessi niðurstaða hafi mikil áhrif innan annara flokka. Ljóst er að innan allra fjórflokkanna eru átakalínur vegna ESB aðildar-þó minnstar hjá Samfylkingunni.

 Niðurstaða nýafstaðinna sveitarstjórnarkosninga sýndi að fjórflokkurinn er í uppnámi .

 Átakalínurnar í íslenskri pólitík snúast um ESB aðild . Baráttan er hafin.

Óþarfi að sundra flokksmönnum

"AMX - fuglahvísl" leggur Hönnu Birnu lífsreglurnar

Þetta má lesa á AMX fuglahvísl vefnum :

"Smáfuglarnir telja að Hanna Birna hafi misstigið sig alvarlega með þátttöku í vitleysisgangi vinstrimanna í Reykjavík. Hanna Birna á að standa fyrir utan vitleysuna og vera áfram málsvari ráðdeildar, festu og hugmynda um frjáls viðskipti og lága skatta. Hún á að vera fulltrúi kjósenda sinna en ekki kjósenda vinstrimanna. Það er það sem kjósendur hennar ætlast til enda jókst fylgi Sjálfstæðisflokksins þrátt fyrir tilkomu Besta flokksins"

 Svona setja þeir fram Sjálfstæðismennirnir sem keyrðu þessa þjóð í efnahagslegt og siðferðilegt hrun.

Alvarlega ruglað fólk Sjálfstæðismenn-hinir gömlu