Icesave tilboð ekki ásættanlegt að mati Íslendinga

Tilboðið ekki ásættanlegt
Innlent | mbl.is | 22.2.2010 | 14:11
Forystumenn ríkisstjórnarinnar og stjórnarandstöðunnar eru sammála um að tilboð Breta og Hollendinga frá því fyrir helgina sé ekki ásættanlegt eða gott. Sent verður svarbréf vegna tilboðsins sem barst fyrir helgina. Það er þó ekki gagntilboð.
Lesa meira

-------------------------------------------------------------------------------------------------------------------------------

Stjórnmálaflokkarnir íslensku eru sammála um að tilboð Breta og Hollendinga  sem barst fyrir helgi helgina sé ekki ásættanlegt. 

Þó er inni í því 60-70 milljarða vaxtalækkun vegna áranna 2009 til 2010. 

Tafir á samþykkt Icesave af hálfu íslendinga hafa orðið okkur dýrar.Öll lánafyrirgreiðsla erlendis frá er stopp og það sem fæst er með óásættanlegum álögum.

Sökudólgurinn er hinn ósamþykkti Icesave reikningur.  Ef við hefðum gengið frá málinu í júní 2009 þá væri atvinnustigið miklu betra en nú er og öll lánafyrirgreiðsla í jafnvægi og efnahagslífið á uppleið. 

Það er því ljóst að tap þjóðarinnar vegna seinkunnar á lokum málsins er orðið mikið - einhverjir hundruð milljarðar ísl. króna. 

Stjórnarandstaðan hefur reynst þjóðinni dýr. 

En nú sitja allir stjórnmálaflokkar við samningsborðið og eru nauðbeygðir að koma fram saman með ásættanleg málalok sem Bretar og Hollendinga geti fallist á. 

Vonandi er lokaferillinn í Icesave nú í gangi og styttist í málalok.

 

Tilboðið ekki ásættanlegt

Athugasemdir

[Sigurður Haraldsson, 22.2.2010 kl. 16:38]

Sævar þetta snýst um lýðræðið það sem gerðist á alþingi þann 30.12.2009 var ekki ásættanlegt ef þú heldur öðru fram þá ert þú enn af þeim sem lætur flokksræðið vera ofar þjóðarhagsmunum.

[Sævar Helgason, 22.2.2010 kl. 17:18]

Sigurður!

Frá mínu sjónarhorni átti að ganga í málið í júní 2009 og ljúka því þá.  Sá tími sem farið hefur til spillis síðan þá hefur kostað þjóðarbúið einhverja hundruð milljarða .  Þetta hefur ekkert með lýðræði að gera. ICESAVE er stjórnmálaleg og efnahagsleg millirikjadeila.  Og verður aðeins leyst milli Hollendinga,Íslendinga og Breta.  Núna verðum við að ná miklu hagstæðari kjörum en var möguleiki sl. vor- vegna þessa mikla taps sem þessi töf  hefur valdið okkur.

[Gunnar Heiðarsson, 22.2.2010 kl. 19:47]

Að halda því fram að uppbyggingin hjá okkur sé svo skammt á veg komin sé vegna þess að við samþykktum ekki afarkost breta og hollendinga er eins og hver önnur fyrra. Ástæðan er fyrst og frems vegna þess að þessar svokölluðu vinaþjóðir okkar beittu afli sínu innan AGS, auk hriðjuverkalag til að troða okkur niður í skítinn. Svo vilja menn semja við þessa drulludela.

[Sigurður Eggert Halldóruson, 22.2.2010 kl. 21:34]

Hárrétt hjá þér Gunnar.

Svo er það illgerlegt að slumpa á að þetta sé búið að kosta okkur, eins og Sævar bendir á, 60-70 milljarða í vaxtakostnað, þar sem það er engin trygging fyrir því að vextir lækki, eða þá hversu mikið, um leið og gengið sé frá Icesave.

Og Sævar; það er röng nálgun hjá þér að segja að Icesave sé stjórnmálaleg og efnahagsleg milliríkjadeila. Þetta var einkabissness sem fór á hausinn og það eru til lög sem kveða á um hvernig leysa megi þessa hluti. Eina vitið væri sjálfsagt að dómstóll tæki málið fyrir og segði okkur hversu mikil okkar ábyrgð sé. Að láta UK og NL segja okkur að ábyrgð þjóðarinnar á þessu máli sé 100% er algjör þvæla. Og þetta kvittuðu þingmenn okkar undir, þrátt fyrir að afborganirnar teygðu sig í þriðjung til helming af árlegri landsframleiðslu Íslendinga.

Núna hefur þetta allt með lýðræði að gera, því án þess værum við að fara að gangast að þeim samning án fyrirvara eins og alþingi Íslendinga samþykkti.

Þú segir að við verðum nú að ná miklu hagstæðari kjörum en möguleiki var á síðastliðið vor. Hvernig líst þér á að við borgum þeim bara ekki krónu og hundsum svona móðgunartilboð; þeir mega sækja þetta fyrir dómstól ef þeir vilja ekki Landsbankann.

Það væri ágætt ef sá dómstóll tæki líka fyrir réttmæti beitingu hryðjuverkalaganna.

[Sævar Helgason, 22.2.2010 kl. 21:39]

Já .Sigurður og loka bara hólamum fyrir öllum utanaðkomandi - það er ein leiðin. Mér geðjast ekki að henni.