Atvinnubótavinna nútímans.

Stóru verkefnin skortir
Innlent | mbl.is | 25.5.2010 | 20:38
Ríkisstjórnin hefur vissulega verið að gera eitt og annað en það eru stóru verkefnin sem skipta höfuðmáli sem hafa ekki komist í framkvæmd, segir Vilhjálmur Egilsson, framkvæmdastjóri Samtaka atvinnulífsins, aðspurður um viðbrögð fjármálaráðherra við gagnrýni ASÍ á aðgerðaleysi stjórnvalda.
Lesa meira

-----------------------------------------------------------------------------------------------------------------------------

Eru þeir hjá Samtökum atvinnulífsins alveg ósjálfbjarga nema Ríkið standi fyrir stórfelldum atvinnuaukandi verkefnum ? 

Hvar er hið margrómaða einkaframtak nú ?

Og ef ekki Ríkið-  þá er þess krafist að lífeyrissjóðirnir leggi fram peninga ellilífeyrisþega til að standa fyrir verklegum framkvæmdum.

 Aðalkröfurnar eru á að virkjanaframkvæmdir verði hafnar í stórum stíl. Þegar aðkomu lífeyrissjóðanna að þeim framkvæmdum er óskað af hálfu hins opinbera- þá er skellt í baklás hjá lífeyrissjóðunum. Verkefnin virðast ekki vera arðbær.

 Það eru fyrst og fremst verktakar og verkfræðistofur sem knýja á með virkjanir.  Það er dýr atvinnubótavinna. Vegaframkvæmdir eru sennilega miklu arðsamari svo og viðhald ýmiskonar hjá hinu opinbera. En slappleiki SA án aðkomu Ríkisins er sláandi.

Stóru verkefnin skortir

Athugasemdir

[GunniS, 26.5.2010 kl. 00:22]

einkaframtakið er ekki hrifið af þeim okur vöxtum sem eru hér,  samtök atvinnulífsins eru búnir að benda á þetta margsinnis. stýrivextirnir svo háir að jafnvelbananalíðveldi reka upp stór augu.

[Bjarni (IP-tala skráð) 26.5.2010 kl. 05:59]

Atvinnulífið er og hefur alltaf verið háð ríkinu. Einkaframtak getur aðeins dafnað í skjóli góðar löggjafar og ríkisstjórnar. Þetta á við hvar sem er í heiminum!