Icesave lausn ekki jafn brýn og áður ??

Álverið í Straumsvík

Frétt af mbl.is

"  Ekki jafn brýnt að leysa Icesave nú líkt og áður
Viðskipti | mbl.is | 11.1.2011 | 10:50
 Þrátt fyrir að færa megi rök fyrir því að best sé að leysa Icesave-málið og horfa fram á veginn, eru Íslendingar ekki undir sömu tímapressu og áður. Þetta er mat Friðriks Más Baldurssonar, prófessors. "
Lesa meira

"Því er óljóst hvort það hafi verið í efnahagslega þágu Íslands að hafna fyrra Icesave-samkomulaginu; kostnaður vegna þess kann að vega þyngra en ágóðinn,“ segir Friðrik."    og

"Hann heldur því fram að með lausn Icesave-deilunnar muni erlendir fjármagnsmarkaðir opnast Íslandi, samskipti við nágrannaþjóðir muni batna, erlend fjárfesting muni aukast og hagvöxtur taka við sér. Einnig telur Friðrik að auðveldara verði að afnema gjaldeyrishöftin, með lausn Icesave-deilunnar."

Tafir á lausn Icesave deilunnar hafa kostað okkur mikið. Besta lausnin hefði verið vorið 2009. Ef þannig hefði farið væri hér björgulegra um að litast í atvinnu og viðskiptalífi. Icesave deilan hefur haldið okkur utan eðlilegra viðskipta við okkar helstu viðskipta og vinaþjóðir.

 Lánalínur hafa verið frosnar. ASG hefur haldið haldið okkur á floti - með lánafyrirgreiðslum. Þeir samningar sem nú er talað um eru sagðir mun lægri í krónutölu fyrir okkur en þeir sem buðust 2009 . Og ennþá eru lánin frá Norðurlöndunum óafgreidd vegna þessarar Icesave deilu.

Endilega fara að klára þetta mál og koma atvinnu og viðskipalífinu á fulla ferð -það er nóg komið.

Ekki sami þrýstingur á lausn Icesave og áður

Athugasemdir

[Jóhannes Laxdal Baldvinsson, 11.1.2011 kl. 13:50]

Sæll Sævar, Rangfærslur og hálfsannleikur varðandi Icesave deiluna öðlast ekkert meira vægi í mínum eyrum þótt úr munni prófessors komi. Friðrik Már getur fabúlerað eins og hver annar um kostnað af því að klára ekki icesave deiluna en hann hefur ekkert fyrir sér í því. Höfum staðreyndir á hreinu og sleppum vangaveltum. Icesave krafa Hollendinga og Breta hljóðar upp á 695millarða! sjá nánar hér

Greiðslur

Þær fjárhæðir sem um ræðir eru að hámarki frá Bretum um 2.350 milljónir punda og frá Hollendingum um 1.329 milljónir evra, þ.e. samtals 695 milljarðar króna miðað við gengi 5. júní 2009 er samningar voru undirritaðir. Hér er um hámarkstölur að ræða enda ekki fullljóst hver endanleg fjárhæð tryggðra innistæðna var í Bretlandi auk þess sem endurskoðun mun fara fram á útgreiðslum sem átt hafa sér stað.

Þetta eru stórar tölur Sævar. Og við erum að tala um gjaldeyri

Fljótfærni er aldrei réttlætanleg. Allra síst þegar um er að tefla aðgerðir hins opinbera. dæmi: Fátkennd viðbrögð iðnaðarráðherra í kjölfar Eyjafjallagossins þegar hún sturtaði 500 milljónum af almannafé í algerlega gagnslausa ímyndarherferð.

Varðandi þessi meintu áhrif icesave á lokun erlendra lánafyrirgreiðslna þá virðast allir sem éta tuggu stjórnvalda ómelta gleyma því að við erum hér í gjörgæslu AGS! Ég trúi því að það sé ástæðan fyrir því að engin meiriháttar lán hafa fengist. Erlendir bankar töpuðu þúsundum milljaraða á hruninu og þeir vilja náttúrulega sjá til hvernig mál þróast.  Núna þegar prógrammi AGS lykur þá mun erlent fjármagn verða fáanlegt í arðbær verkefni eins og hingað til. Og það mun ekkert verða tengt lausn icesave nema síður sé. 

[Jóhannes Laxdal Baldvinsson, 11.1.2011 kl. 14:01]

Hins vegar mun það rétt að ófrágengin deilan er að þvælast fyrir öðru máli ríkisstjórnarinnar og það er umsóknarferlið og innlimunin í ESB!  Það er öllum ljóst og furðulegt að Össur og Jóhanna skuli enn reyna að beita blekkingum og lygum og prófessorum úr HÍ til að reyna að sannfæra þjóðina um ágæti þess að gangast undir yfirgang og kúgun þessa ríkjasambands sem ESB er. Hættum að láta matreiða okkur um frösum spunakallanna. Tökum öllu sem frá þeim kemur með gagnrýnum huga. Við getum ekki treyst á gagnrýna fréttamennsku fjölmiðla.

[Sævar Helgason, 11.1.2011 kl. 17:37]

Takk fyrir innlitið Jóhannes og innleggið.

"695 milljarðar króna og í gjaldeyri" Já við vorum búin að seilast ansi langt niður í vasa almennings í þessum löndum og flytja til okkar fjármuni-satt er það.

En í október 2008 var gengið frá samkomulagi um endurgreiðslu okkar á innlánsreikning að upphæð 21.000 evrur í Bretlandi og Hollandi.

 Aðalástæðan fyrir að við vorum tilneydd til að gangast við þessu var mismunun okkar gagnvart innistæðueigendum í íslenskum banka. Við tryggðum allar innistæður okkar fólks á Íslandi að fullu en ætluðum að komast undan að að greiða Hollendingum og Bretum lágmarkstryggingu á þeirra reikningum ... Þetta er allur okkar vandi. Þessvegna er Icesave deilan .

En nú er svo komið að líkur eru á að erlendar "eigur" Landsbankans dugi að mestu fyrir endurgreiðslunni og að á okkur lendi 20-30 milljarðar ísl kr. Að keyra málið fyrir dómstóla þykir ekki vænlegur kostur fyrir okkur -einmitt vegna þessarar mismununar sem við beittum innistæðueigendur. (Lee Buchseit)

Ég er sjálfur Evrópusinni og aðildarsinni að ESB - en samt á okkar forsendum. Um það er verið að leita hófanna með. Þar svörum við að leikslokum.