Verðhækkanir á hveiti og loftslagsbreytingar

Það eru  ýmsir náttúrufarslegrir atburðir sem hrjáð hafa Bandaríkjamenn undanfarin ár sem  eru farnir að  hrista verulega upp í þeim varðandi  samhengi milli  mengunar andrúmsloftsins og þessara veðurfarshamfara sem tíðum ganga yfir land þeirra í seinni tíð

Hvirfilbyljir sem myndast yfir Mexicoflóanum eru sífellt að verða skæðari og illvígari. Ekki er langt að minnast  New Orleans , þegar afleiðingar hvirfilbyls lögðu borgina í rúst. Og sífellt berast fréttir um þessa ógn sem  virðist færast í aukana þarna suður frá.

Nú í morgunfréttum var verið að upplýsa um 17% hækkun á hveiti og jafnframt fylgdi með að gífurlegar hækkanir væru í pípunum.  Ekki kemur mér þetta á óvart. Ég átti þess kost að ferðast um flest helstu kornræktarhéruð Bandaríkjanna nú í júlí og ágústmánuði sl.

 Sölnaður  kornakur í Kentucky

Miklir þurrkar höfðu verið viðvarandi í flest öllum þessum fylkjum og var víða alveg skelfilegt á sjá afleiðingar þess í sölnuðum og ónýtum ökrum . Síðar urðu mörg þessara fylkja , sem þó sluppu við verstu þurrkana, fyrir gríðarlegum skaða vegna flóða sem komu í kjölfar mikils úrfellis..

 

 Sumstaðar , einkum í Suður Dakóta , var greinileg eyðimerkurmyndun í fullum gangi. Á stórum svæðum var sá litli grassvörður sem bændur voru að reyna að fá einhverja tuggu af,heiðgulur og lífvana. Stórir og mikir trjástofnar voru sem tré að vetrarlagi. Þannig að eldurinn sem brennur á eigin skinni  ,held ég, að sé farinn að valda hugarfarsbreytingu í BNA varðandi þessa öfgakenndu breytingar á náttúrufarinu. Og þeir farnir að meta orsakir og afleiðingar mengunar sem mannannaathafnir hafa á lífríkið.

Nóg að sinni.