Auðlindir Íslands á sölumarkaði erlendis

Er verið að selja yfirráð orkulindanna í hendur erlendra aðila ? Bandarískur banki hefur nú eignast hlut í varanlegri orkuauðlind á Íslandi . Þetta voru fréttir gærdagsins. Mér finnst þetta grafalvarlegt mál. Hvernig má þetta vera  ?  Eru fjárfestingarmongúlar hér á Íslandi komnir með þau völd að .þeir geti ráðskaðst með fjöreggin okkar með þessum hætti og selt þau í hendur erlendra aðila ? Það er ljóst að erlend fjármálaöfl eru komin með annan fótinn yfir þröskuldinn í átt að yfirtöku á auðlindum okkar fari sem nú horfir.  Það virðist sem allt sé galopið í viðskiptum sem þessum.  Er ekki krafan að Alþingi Íslendinga bregðist hratt við og tryggi að varanlegar auðlindir á borð við fisk,vatn og orku verði ævinlega og alltaf eign Íslendinga og með öllu óheimilt að  ráðstafa eigninni  úr yfirráðum Íslands  ?

 

Athugasemdir

[Bjarni Kjartansson, 13.9.2007 kl. 10:51]

Við sem erum nú nefndir hægfara innan míns elskaða flokks Sjálfstæðisflokksins, höfum verið að vara einmitt við þessari þróun við lítil fagnaðarlæti ofurfrjálshyggjumanna en þeir virðast þeirrar gerðar,, margir, að þeim finnst í raun og sanni allt eigi að vera falt, hverjum sem kaupa vilja.  Skelfileg afbökun á Sjálfstæðisstefnunni enda meitlað í hana, virðing einmitt fyrir SJÁLFSTÆÐI þjóðarinnar í se´rstaklega þessum efnum auðlindum og afrakstri sameiginlegs arfs þjóðarinnar.

Vonandi bregðat ,,mínir menn" hratt við og setja kristal klár lög um fullveldisrétt þjóðarinnar á auðlindum hennar.

Svo er það gömul saga og ný, að til eru menn, sem glaðir myndu selja ömmu sína, væri það til stundargróða og þæginda fyrir þá.

Miðbæjaríhaldið