Uppstokkun á orkumarkaði

RÚV segir frá því fréttum í dag ,25.9. að Össur Skarphéðinsson iðnaðarráðherra stefni á uppstokkun á orkumarkaði. Tryggt verði með lögum að veitukerfin verði í félagslegri meirihluta eign. Hann segir óheppilegt að það hafi ekki verið gert áður en ríkið seldi hlut sinn í Hitaveitu Suðurnesja.

 Jarðvarmasvæði í Henglinum

Sömuleiðis sé nauðsynlegt að tryggja að orkulindirnar, virkjaðar og óvirkjaðar,verði áfram í samfélagslegri eigu. Hinsvegar segist Össur hlynntur samkeppni í framleiðslu og sölu á rafmagni. Víðtækar breytingar á orkulögum og sérlögum um orkufyrirtæki eru í undirbúningi í iðnaðarráðuneytinu.

 Jarðvarmaorkulind á Hellisheiði

Stefnt er að því að leggja frumvarpið fram á haustþingi.

Þetta eru góðar fréttir.

Vonandi tryggir þetta að orkulindirnar verði samfélagsleg eign um aldur og ævi

 

 

Þá er það vatnið.Iðnaðarráðherra  er, samkvæmt fréttum, að skipa nefnd til að yfir fara frumvarpið um vatnalögin frá í vor. Það sama á við um vatnið og orkuna að þessi auðlind verði óumdeilanlega samfélagsleg eign á sama hátt og orkulindirnar. 

Bergvatnsá í Henglinum 

Greinilegt er að iðnaðarráðherra lætur hendur standa fram úr ermum .

Það er grundvallarmál fyrir þessa þjóð að hún hafi eignaryfirráð yfir sjálfum fjöreggjum sínum, fiskinum í sjónum ,orkunni í fallvötnum , jarðvarma og vatninu.

Heill fylgi mikilvægum störfum iðnaðarráðherra fyrir land og þjóð.