Álversrekstur í Straumsvík tryggður til ársins 2037

 Ísal verksmiðjan í Straumsvík

Landsvirkjun segir, að með samkomulagi, sem náðst hafi við Rio Tinto Alcan, eiganda álversins í Straumsvík, um tæknilegar endurbætur á álverinu, hækki raforkuverð og rekstur álversins sé tryggður til lengri tíma en ella eða til ársins 2037.

Þetta eru góðar fréttir fyrir okkur Hafnfirðinga.  Þetta 40 ára gamla álfyrirtæki, er af stofni til  Svissnenskt , en síðan 2001 í eigu Alcan í Kanada og síðan Rio Tinto - Alcan .

Upphaflega var álverið með 30 þús. tonn/ári framleiðslugetu en um tíðina smá stækkað innan upphaflegu lóðamarka og er þessi nýi áfangi með sama sniði.  Hér verður um innri stækkun að ræða og engin útlitsbreyting á verksmiðjunni. Og eftir þessa framleiðsluaukningu verða framleidd í Ísalverksmiðjunni um 225 þús. tonn /ári

Fyrri stækkunarhugmynd sem Hafnfirðingar felldu  á vormánuðum 2007 , var í raun ný viðbótarverksmiðja og á stærð við Reyðarálsálverið- sá biti stóð í okkur Hafnfirðingum - fyrst og fremst vegna nálægðar við íbúðarbyggðina. 

Margir óttuðust þá að sú höfnun þýddi endalok verksmiðjunnar innan fárra ára. Þessi samningur eyðir allri óvissu um næstu 30 árin í rekstri.  Og orkuverð til okkar hækkar og tekjur Hafnarfjarðar aukast.

Á þeim 40 árum sem fyrirtækið hefur starfað hér í Hafnarfirði hefur ríkt góð sátt um reksturinn og öll samskipti við eigendurna- þess er vænst að svo verði áfram næstu 30 árin. 

Álversrekstur tryggður til 2037

Athugasemdir

[Gunnar Th. Gunnarsson, 8.8.2008 kl. 16:51]

Smá leirétting, Reyðarálsverkefninu lauk með flótta Norðmannanna frá því 2002. Það verkefni gerði ráð fyrir mun stærra álveri heldur en Alcoa byggði í kjölfarið.

[Sævar Helgason, 8.8.2008 kl. 18:01]

Leiðrétting er óþörf - ég er að ræða núverandi álver á Reyðarfirði-aðeins til samaburðar varðandi umfang  ekki nákvæmlega tonna framleiðslu