Byggja jöklabréfin Helguvíkurálver ?

Eigendur jöklabréfa fjármagni álver
Innlent | mbl.is | 29.4.2009 | 11:49
Bandaríska álfélagið Century Aluminum, móðurfélag Norðuráls, er að ræða við eigendur svonefndra jöklabréfa um að koma að fjármögnun fyrirhugaðs álvers Norðuráls í Helguvík með því að breyta jöklabréfum í skuldabréf í dollurum.
Lesa meira

-------------------------------------------------------------------------------------------------------------------------------

Hún er merkileg saga Norðuráls hér á Íslandi. 

Upphafið er að amerískur lögmaður , Kenneth Peterson, hafði keypt gamalt og úrelt álver í Þýskalandi, á brotajárnsverði- með niðurrifsákvæðum.. 

Hann leitaði víða um heim fyrir sér með að endurreisa álverið. Að lokum komu tveir staðir til greina - Venesúela og Ísland.

Með lægsta  raforkuverðið náðust samningar við Ísland. Norðurál Kenneths P. reis því hér á Grundartanga.

Það tókst síðan alveg þokkalega að koma þessu útelta álveri í rekstur hér- lágt raforkuverð skemmdi ekki fyrir-né skattaafslættir..

Og í uppsveiflu undirmálslánanna í BNA seldi Kenneth P. síðan álverið til Century Aluminium sem síðan stækkaði það verulega. 

Og nú vilja þeir reisa annað álver í Helguvík. Þrátt fyrir mikla skattaafslætti af hálfu Íslands- eru erfileikar á uppbyggingunni- það vantar fjármagn á lágum vöxtum til langs tíma.

Það fjármagn er ekki fyrir hendi í dag né næstu árin vegna óáran á Íslandi og í heimskreppunni.

  Þá leita menn upprunans .

Í stað verðlauss álvers í Þýskalandi til niðurrifs eins og í upphafi  - þá birtist nú annar bjargvættur- íslensk jöklabréf í eigu erlendra fjármagnseigenda - frosin inni í gjaldeyriskreppunni. 

En þetta fjármagns "brotajárn" má nýta sem skuldabréf í dollurum og fá þannig fjármagn til langs tíma í álversbygginguna.

Það er basl í álinu núna....

Eigendur jöklabréfa fjármagni álver

Athugasemdir

[Bjarni Pálsson, 29.4.2009 kl. 15:07]

Já Sævar, það getur verið hagkvæmt að endurvinna!

Það sem er sorp fyrir einum getur verið gulls ígildi fyrir annan ;-)

Sagt er að Norðuráli hafi gengið sérstaklega vel allt frá upphafi og flestir þeirra starfsmenn afar ánægðir.  Vonandi gengur þetta eftir.

Kv. Bjarni Pálsson

[Sævar Helgason, 29.4.2009 kl. 15:46]

Ég tek undir það Bjarni.  Það er hagkvæmt að endurvinna.

Við endurvinnslu áls er orkunotkunin aðeins 5 % af þeirri orku sem þarf til við frumvinnsluna eins og á Íslandi.   Bandaríkjamenn henda á sorphaugana 1 milljón tonna af áldósum/ári t.d. . Til samanburðar eru framleidd 800 þúsund áltonn/ári með frumvinnslu. hér á Íslandi  Við náum ekki að framleiða fyrir sorphauga BNA manna...

Gríðarleg sóun  á verðmætum og náttúruspjöllum....  Endurvinnsla er góð