Verður ICESAVE skuldin 75 milljarðar ?

Frétt af mbl.is

90% upp í forgangskröfur
Viðskipti | mbl.is | 12.10.2009 | 18:16
Skrifað hefur verið undir samkomulag á milli íslenskra stjórnvalda, skilanefndar Landsbanka Íslands og Nýja Landsbankans (NBI) um uppgjör á eignum og skuldum vegna skiptingar bankans. Skilanefndin segir að gera megi ráð fyrir að tæplega 90% fáist upp í forgangskröfur í bú gamla Landsbankans.
Lesa meira

----------------------------------------------------------------------------------------------------

Samkvæmt þessu verður ICESAVE skuldin sem á almenning fellur um 75 milljarðar auk vaxta.

Á móti kemur að fyrsta afborgun er eftir 7 ár.

Vegna verðbólgu má gera ráð fyrir að raungildi skuldarinnar verði mun lægra. 

Þetta eru slæmar fréttir fyrir þá sem hafa haldið því fram með miklum áróðri að skuldin verði ekki undir 1000 milljörðum sem á Íslendinga falla.

En svona lítur þetta út.

Er ekki kominn tími til að alþingi fari að ljúka þessu máli þannig að við öðlumst virðingu alþjóðasamfélagsins og að allar lánalínurnar til okkar opnist.

Atvinnulífið komist í gang og unnt verði að snarlækka hér vexti.  

Mál er að þvargi um ICESAVE klúðrið linni og gengið verði til samninga að hætti siðaðra þjóða... strax.

90% upp í forgangskröfur

Athugasemdir

[óli (IP-tala skráð) 12.10.2009 kl. 19:59]

Nákvæmlega!

[Bjorn Jonasson (IP-tala skráð) 13.10.2009 kl. 09:05]

Finnst þér ekki einkennilegt að þessar upplýsingar komi fram akkúrat núna, þegar þeirra er þörf!  Þetta er heldur ekki staðreynd, heldur mat, mat ekki ósvipað því sem fréttir bárust af fyrr í vikunni, um að mat KPMG og annarra endurskoðenda á  virði peningamarkaðssjóðanna hefði verið herfilega rangt.  Þetta er mat sama fólks og sigldi í strand fyrir ári síðan með galopin augun, skilanefndirnar og starfsmenn "nýju" bankanna eru að stórum hluta sama áhöfnin og var í brúnni fyrir Október 2008.  Mat sem Samfylkingin kemur til með að veifa eins og um staðreynd sé að ræða. 

Icesave lánið er kúlulán að stórum hluta, hverjir fá kúlulán, venjulega þeir sem stunda sýndarviðskipti og geta ekki borgað, sum sé í þessu tilfelli íslenska þjóðin. Það versta af öllu er að þetta lán frá AGS kemur til með að staldra við á íslandi í tæpan mánuð ef vel fer, nógu lengi til að borga út Jöklabréfin, svo hrynur krónan.   Það á að hætta að styðja krónuna, láta gengið hrynja, hreinsa út óværuna og gera svo landið upp með láni, hvaðan sem það kemur.  Þetta hefði átt að gerast fyrir 10 mánuðum síðan.  Við ætlum hinsvegar að innrétta og hreinsa svo!