Kreppunni lokið á Íslandi.

Kreppunni lokið segir AGS
Innlent | mbl.is | 28.6.2010 | 14:04
Alþjóðagjaldeyrissjóðurinn telur stöðugleika fjármálakerfisins ekki ógnað vegna dóms Hæstaréttar. Hins vegar hefur dómurinn töluverð áhrif á opinber fjármál og hversu hratt verður hægt að aflétta gjaldeyrishöftum. Þetta kom fram á fundi fulltrúa AGS með blaðmönnum, þar sem einnig kom fram að kreppunni sé lokið.
Lesa meira

----------------------------------------------------------------------------------------------------------------

Fulltrúar Alþjóðagjaldeyrissjóðsins lýsa því yfir að kreppunni á Íslandi sé "tæknilega" lokið. Þetta eru ekki neinar smáfréttir. Rúmlega eitt og hálft á er frá hruni efnahags Íslands .

Og nú erum við komin á uppleið á ný með efnahagsmálin. Þetta er ekki neinn smá árangur á ekki lengri tíma.

Ljóst er að núverandi ríkisstjórnarflokkar hafa almennt staðið sig vel við endurreisn Íslands eftir að Sjálfstæðisflokkur ásamt Framsókn og með Samfylkingu á lokakaflanum-settu efnahaginn í rúst.

Alþjóðagjaldeyrissjóðurinn hefur reynst mikil hjálparhella í endurreisninni. En margt er ógert til endurreisnar-einkum fyrir skuldsettustu heimilin í landinu. Einnig þarf að koma til farsæl lausn vegna ólögmætra gengistryggðra lána.

 En mest áríðandi er fyrir þessa þjóð að tengjast ESB og fastsetja gjaldmiðilinn við evruna eða taka upp evru sem gjaldmiðil. Fyrr er ekki hægt að aflétta hér hörmungum verðtryggingar og hárra vaxta.

 Ein og sér getum við ekki byggt þetta land á nútímavísu með landinu lokuðu og hina íslensku krónu í grunninn

. Framtíð Íslands veltur á fleiri þáttum en fiski og landbúnaði -þó góðar séu þær grunnstoðir.

Hátækni,orkunýting og úrvinnsla úr okkar hráefnum verður  að koma til viðbótar frumgreinum okkar.

Öflug tengsl okkar við Evrópu verða þar lykilatriði.

Kreppunni lokið segir AGS

Athugasemdir

[Aðalsteinn Agnarsson, 28.6.2010 kl. 18:36]

Sævar, við þurfum að nýta fiskimiðinn á allt annan hátt en gert er í dag.

Auðugustu fiskimið í heimi eru bara svipur hjá sjón, vegna rangra veiðarfæra.

Það er að opnast risa stór markaður í Kína, þegar miðin lifna við seljum

við óhemju magn af fiski þangað.

[Sigurður Haraldsson, 28.6.2010 kl. 19:03]

Sævar þú ert að spauga er það ekki?

[Sævar Helgason, 28.6.2010 kl. 19:52]

# 1

Í 100 ár eru togarar búnir að draga veiðarfærin eftir bestu veiðislóðum Íslandsmiða. Þegar skuttogaraöldin gekk í garð margfaldaðist álagið . Veiðarfærin fóru úr 3 tonnum á gömlu síðutogurunum og togað var með litlu vélarafli. Nútíma skuttogari er með um 15 tonna þunga hlera og víðátta trollsins margföld frá fyrri tíð. Það er fylgni með innkomu skuttogaranna og minnkandi afla á veiðislóð. Botni bestu veiðislóðanna hefur verið rústað. Hversu marga áratugi eða árahundruð það tekur fyrir nátturuna að byggja upp þessa eyðimörk-veit enginn. Milljónir ára tók að þróá Íslandsmið eins og þau voru fyrir tæknibyltinguna. Eitthvað getum við lagað fljótt með friðun fyrir togveiðum og farið yfir í krókaveiðar. En að bylting verði í veiðanlegum magni á næstu áratugum - er jafn raunhæft og fjármálbólan sem er nýsprungin framan í okkur. Sígandi lukka er best. Evrópa er okkar staður í veröldinni - við eigum að byggja okkur upp með Evrópuþjóðum.

[Aðalsteinn Agnarsson, 28.6.2010 kl. 20:32]

Sævar þú ert flottur, Barentshafið er lifandi sönnun þess að þetta getur gengið hratt.

Banna gúanóveiðar, svo trollveiðar.

[Sævar Helgason, 28.6.2010 kl. 20:48]

# 4

Er vitað hvað í raun og veru er að gerast í Barentshafinu ? Er þetta flóttafiskur sem æðir þarna norðureftir vegna breyttra skilyrða á heimaslóð ? Eru einhver náttúrleg skilyrði þarna að breytast hratt - sem ekki gerist annarstaðar. Um þetta er lítið vitað.

Sjálfur stunda ég krókaveiðar árið um kring. Sl 8-10 árin hefur afli á minni veiðislóð verið jafn og góður . Nú bregður svo við að afli er dræmur af öllum tegundum. Hvað veldur ? Ekki veit ég það. En það aflast vel  70-100 sjóm . norðar.

[Aðalsteinn Agnarsson, 28.6.2010 kl. 21:02]

Allavega hafa loðnuveiðar verið bannaðar í mörg ár í Barentshafinu. Norðmenn  kaupa Íslensku loðnuna

fyrir sitt fiskeldi, og friða sýna loðnu fyrir allri veiði.

[Sævar Helgason, 28.6.2010 kl. 21:18]

Sammála þér með bræðslufiskveiðar. Þær á að leggja af. Loðna er aðalfæða þorksins. og fleiri tegunda. Fiskveiðar til manneldis er málið.Og síðan að fullvinna það sem ekki selst topp ferskt á markaði. Ferskur fiskur skilað hæsta verðin á nærmarkaði erlendis.