Álfyrirtæki dregur saman seglin...

Vísir, 10. des. 2008 09:59

Rio Tinto dregur saman seglin um allan heim

Hið risastóra námafélag, Rio Tinto, sem meðal annars á álverið í Straumsvík er í miklum skuldavandræðum og hefur tilkynnt um uppsagnir á liðlega fjórtán þúsund starfsmönnum fyrirtækisins víðsvegar um heim. Tilkynnt var um aðgerðirnar í morgun en fyrirtækið hefur sett upp áætlun sem miðar að því að lækka gríðarlegar skuldirfélagsins sem eru taldar nema um 40 milljörðum bandaríkjadala.

Um er að ræða nær sex prósent af föstum starfsmönnum fyrirtækisins og helming allra verktaka sem starfað hafa hjá Rio Tinto. Auk þessara aðgerða hefur verið ákveðið að selja fleiri eignir en áður hafði verið áætlað.

Samkvæmt áætluninni mun Rio Tinto ná að grynnka á skuldum sínum um 10 milljarða dollara fyrir lok árs 2009. Eitt stærsta vandamál fyrirtækisins er sá skuldabaggi sem Rio Tinto tók á sig þegar það keypti álrisann Alcan í fyrra og eignaðist í leiðinni álverið í Straumsvík.

---------------------------------------------------------------------------------------------------------------------------------

Hvað þýðir þetta fyrir okkur Íslendinga ?  Verður skorið niður í Straumsvík- bæði mannafli og aðkeypt vinna ?  Og hvað með fyrirhugaða stækkun um 40 þús. tonn /ári. er hún í uppnámi ?  Allt þetta skiptir okkur miklu máli núna í kreppunni.   Á 40 ára rekstri álversins í Straumsvík hafa komið nokkrar slæmar kreppur- en að þeim loknum kom fyrirtækið alltaf sterkara út. Vonadi verður svo núna , þó erfitt tímabil sé framundan.

Nú er kreppa í áliðnaði sem öðru og við munum finna mjög fyrir því m.a vegna stærðar áliðnaðar í þjóðarframleiðslu okkar. Það hefur verið bent á að hættulegt sé að vera með of einsleit egg í sömu körfunni. Betra sé að dreifa orkusölueggjunum á fleiri körfur- jafna áhættunni.  Vonandi verðum við ekki hart úti vegna þessa - en við gætum dregið lærdóm af þessari hættu og vandað orkuuppbyggingu okkar með traustari undirstöðum- í framtíðinni. 

Athugasemdir

[sandkassi (IP-tala skráð) 10.12.2008 kl. 11:29]

það er orð að sönnu að hér er alltof mikið ál núorðið. Með rokkandi álverði þá skapar þetta vandræði í hagkerfinu. Það er oft sagt að hér séu hagsveiflur agressivar og með öðrum hætti en í nágrannalöndum okkar og séum við því neydd til að vera með okkar eigin gjaldmiðil, krónu.

Að taka upp sterkan gjaldmiðil hér á landi myndi knýja okkur til þess að jafna hlutföllin milli útflutningsgreina. Fiskurinn er og á að vera stór grein, en áliðnaðurinn er orðin allt of stór hérna ekki hvað síst þar sem að umfang hans á vinnumarkaðinum er ekki með þeim hætti að hann skili sér með sama hætti í aukinni athafnamennsku á fleiri sviðum eins og í fiskvinnslan gerir.

Í raun er hér búið að smíða hér hina fullkomnu þrælakistu í stóriðju. Allur áliðnaðurinn hér notar erlendan gjaldeyri í sínum innanlandsrekstri en greiðir fyrir aðkeypta þjónustu + laun í krónu sem er á þessu fína lága gengi.

Ég er hræddur um að umhverfissjónarmið séu minnstu áhyggjuefnin þegar kemur að áliðnaðinum.

Hér eru hagsmunir Álfyrirtækja og ýmissa annarra aðila að halda launakostnaði sínum í lágmarki.

Alþjóðleg kreppa á álmarkaði getur haft katastrófískar afleiðingar.