Stal skinkubréfi og raksápu og dæmdur í fangavist

Beint í meginmál síðu.

Vísir, 24. mar. 2009 15:38

Stal skinkubréfi og raksápu

Skinkubréfið var frá Goða en ekki hráskinka eins og hér sést.

Karlmaður var í dag dæmdur í eins mánaðar skilorðsbundið fangelsi í Héraðsdómi Suðurlands fyrir þjófnað. Brotin áttu sér stað í maí á síðasta ári. Þá fór maðurinn fyrst inn í bílskúr á Selfossi og stal þaðan þráðlausu Butler 2500c símtóli og tveimur myndavélarafhlöðum.

Síðar sama kvöld fór hann í verslun Samkaupa á Selfossi og stal þaðan einu áleggsbréfi af Goða skinku og Gilette rakvél ásamt raksápu samtals að verðmæti 1.484 krónur.

-------------------------------------------------------------------------------------------------------------------------------

Þarna virkar réttarkerfið fljótt og vel- kominn í skilorðbundið tugthús með það sama.   Allt er seinna í svifum ef um milljarðahvörf er að ræða eins og virðist vera í bankahruninu. Undanskot til skattaskjóla á áætluðum milljörðum kr.  -  hjá mörgum aðilum- ekkert skoðað og enginn áhugi virðist vera ... sex mánuðum eftir bankahrun hefur enginn verið tekinn í viðtal- hvað þá meir...

 

Athugasemdir

[Hilmar Gunnlaugsson, 24.3.2009 kl. 21:59]

Milljarðahvörf tekur lengri tíma að rannsaka en vinnan er þó hafin en er umfangsmikil, það var þetta mál ekki.

[Jóhann Kristjánsson, 24.3.2009 kl. 22:23]

Já Hilmar... en á meðan málið er skoðað leika glæpahundarnir lausum hala og hylja slóð sína og eyða gögnum í þúsunda blaðsíðna vís... Gáfulegt það :)

[Hilmar Gunnlaugsson, 24.3.2009 kl. 22:30]

Það er reynt að koma í veg fyrir slíkt eftir bestu getu tel ég en ef menn verða uppvísir af slíkri glæpastarfsemi tel ég að lögin ráði við það og fjölgi ákæruliðum yfir meintum fjárglæframönnum.