Að virkja sjávarföllin á Breiðafirði

Nú eru menn  og stofnanir farin velta fyrir sér möguleikanum á að virkja sjávarföllin til raforkuframleiðslu.

Frá Brattastraumi við Gvendareyjar

Mestu og bestu möguleikar til þess er milli eyjanna í mynni Hvammsfjarðar eða í Röstinni í Breiðasundi. Þar verða til gríðarlegir straumar bæði á aðfalli og útfalli- straumhraðinn getur orðið > 25 km/klst.  Þarna þarf ekki að gera nokkur stíflumannvirki né að bora nokkra holu eins og nú er í tísku- það eina sem þarf að gera er að sökkva nokkrum rafölum í Röstina festa þá við botninn og tengja í þá rafkapla- ekki nein smáræðis bylting.

Talið er að þarna megi framleiða raforku á við það sem nokkrar Kárahnjúkavirkjanir afkasta - ekkert smá mál.

Að vísu er sá agnúi á að við fallaskiptin liggur framleiðslan niðri - kannski 1 1/2 klst/ hverjum 6 klst.  það þýðir að verði virkjað þarna þá útheimti það mikla samkeyrslu við aðrar virkjanir í landinu- en kosturinn er þá sá að þær geta sparað mjög vatnsforða sinn meðan sjávarföllin eru í hámarki á rennsli.

Þetta þýðir í raun að stærð miðlunarlóna við venjulegar vatnsaflsvirkjanir geta verið lítil sem þýðir að sú ógnar spilling á landi sem hefur farið undir vatn minnkar allverulega. Verði þessi sjávarfallavirkjun í Röstinni að veruleika þarf aðeins að styrkja flutningskerfi raforku um landið allt, verulega.

Semsagt- engin stíflumannvirki-ekkert miðlunarlón- engar borholur- bara rafhverflar á kafi í sjó og rafkaplar inní smástöðvarhús og síðan öflugar raflínur til notenda. 

Allavega þetta er afar spennandi kostur og ekki síst frá umhverfissjónarmiði.

Frá Klakkeyjum norðan Hrappseyjar

 

 

 

 

Sjálfur hef ég ferðast talsvert um þetta svæði á kayak og þekki því vel til þessara gríðar hörðu strauma sem þarna eru. 

Athugasemdir

[Ólafur Ragnarsson, 3.12.2007 kl. 01:33]

Sæll Sævar!Ef af þessu verður minnkar þá ekki möguleiki íslendinga til að selja rafmagn gegn um sæstreng t.d til Englands.Eins og sumir tala um.Tæknin hvað varðar sæstrengu er skammt undan gæti ég trúað.Vandamálið í dag hvað það varðar er aðallega lengdin.Hollendingar eru að fara að selja Norðmönnum rafmagn frá vindverki sem þeir byggðu gegn um sæstreng.Ég var um tíma á síðasta ári á skipi sem varð við varðgæslu við þessa kapallagningu í Norðursjó.Það á að leggja 2 faldan kapal.En þessi leið er að mig minnir svona 3-400 mílur.Ef af þessu flóð/fjörudæmi verður þá er nóg um tækifæri t.d í Pentlands Firth og í Írska kanalnum fyrir breta.Kært kvaddur

[Sævar Helgason, 3.12.2007 kl. 12:14]

Sæll Ólafur

Að selja raforku alla leið frá Íslandi til t.d Englands held ég að sé fjarlægt viðfangsefni . Með núverandi tækni er talið að afföll á orkunni við þennan flutning séu um 50% . en tækin breytist og hvað verður innan fárra ára ?

Sjávarföllin eru að mestu óplægður akur í orkuframleiðslu öfugt við vindorkuna, þó er flóð og fjara öruggari á að stóla en vindurinn og ólíkt stöðugra. Það sem ég sé jákvætt við að nýta t.d Röstina í mynni Hvamsfjarðar er að staðurinn er vegna landkosta mjög heppilegur - hafaldan orðin mjög útjöfnuð þegar hún nær Röstinni og því svona meira jafnsævi en víða annarstaðar þar sem miklir hafstraumar verða til við áhrif flóð/fjöru.

Og þar sem engu landi er spillt vegna svona virkjunnar - þá vinnur hún einnig gegn því að fórna verðmætu landi undir uppistöðulón sem eru okkar vatnsaflavirkjunum nauðsyn til jöfnunar framleiðslu.  Ég held að þetta sé langstærsti kosturinn. 

Sjávarfallavirkjun verður alltaf að hafa aðrar stórvirkjanir með til jöfnunnar um fallaskiptin.   Síðan er það  lífríkið í sjónum hver verða áhrifin á það ? T.d í Röstinni í Hvammsfirði, þar verður vart við stórlúður sem kunna vel við sig í þessum mikla straumi- hann flytur þeim fæðu , auk annara sjávardýra..Einnig er það æðarkollan sem mikið er nytjuð þarna á eyjunum. Þannig að það er að mörgu að hyggja þegar hróflað er við náttúrunni í stórum mæli. Þarna verður breytingin í náttúrunni neðansjávar.

En ég tel að þennan kost sem við eigum í sjávarstraumunum beri okkur að skoða vandlega en fara samt með gát gagnvart náttúrunni.. því jafnvægi í henni er undirstaða lífs okkar mannskepnunnar- þó við höldum stundum annað - í mikilmennsku okkar.

                                                                      kveðja
 

[Ólafur Ragnarsson, 3.12.2007 kl. 13:52]

Ég er þér innilega sammála.En ég velti (það er í tísku núna að tala um að velta einhverju upp og líka að  málið sé komið í farveg) þessu nú bara upp vegna umræðunnar.En með lengd á svona köplum fara þeir ekki að geta haft bara einhversskonar"repeatera"á kaplinum eins og ég veit um að notaðir eru á lagningu langs símasæstrengs?Þú segir það satt að tækninni fleygir svo fram að það sem er óframkvæmanlegt í dag getur verið orðið það á morgun.Kært kvaddur