Vegastæði um Teigsskóg fellt úr gildi

 Frá Þorskafirði- Teigsskógur

 Héraðsdómur Reykjavíkur hefur fellt úr gildi úrskurð umhverfisráðherra frá því í janúar 2007 þar sem fallist var á svonefnda leið B í öðrum áfanga Vestfjarðavegar frá Bjarkarlundi til Eyri í Reykhólahreppi.

Nokkrir landeigendur á svæðinu, Náttúruverndarsamtök Íslands og Fuglaverndarfélag Íslands höfðuðu málið og kröfðust ógildingar.

 Lesa meira

 Þetta þýðir að vegagerð um Teigsskóg  í vestanverðum Þorskafirði er hafnað svo og þverun Djúpafjarðar og Gufufjarðar.

 Frá  Teigsskógi                                                         

Teigsskógur  er víðáttumesti náttúrulegi birkiskógurinn á Vestfjörðum og mjög stór á landsvísu. Teigsskógur er upprunalegur birkiskógur með reynitrjám og miklum undirgróðri, sem er einstakur. Teigsskógur er á náttúruminjaskrá auk þess sem fornminjar eru nokkrar á svæðinu. Dýralíf er mikið enda svæðið afskekkt  og afar fjölskrúðugt náttúrufar.

Með þessum úrskurði hefur umhverfisvernd á Íslandi unnið  merkan  sigur. 

 Er einhver jafngóður eða betri kostur í stöðunni varðandi samgöngubætur þarna ?

Bent hefur verið á fara með veginn í göngum um Hjallaháls yfir í Djúpafjörð og síðan í öðrum göngum frá botni Gufudals, þvert yfir í Kollafjörð. Þessi leið myndi stytta leiðina frá því sem nu er um 20 km og  yrði 8 km styttri en leið um Teigskóg og það sem meira er , sennilega yrði kostnaður minni.

Þessum úrskurði Héraðsdóms  Reykjavíkur er fagnað 

 

Úrskurður um Vestfjarðaveg ógiltur

Athugasemdir

[Steinn Kárason (IP-tala skráð) 26.9.2008 kl. 20:27]

Til hamingju náttúruunnendur!

[Ásta , 26.9.2008 kl. 20:45]

Kannski nú verði skoðuð Jarðgangnaleið og vegagerð á Íslandi færð inn á 20.öldina

Vestfirðingar fái besta fáanlega kostinn, styttir akstursleið, viðhaldslitla, örugga og náttúran njóti þessa alls bæði örn og skógur en ekki síst komandi kynslóðir.

[Lára Hanna Einarsdóttir, 26.9.2008 kl. 21:28]

Miðað við takmarkaða vitneskju mína um þetta mál þá fagna ég með þér. 

[Gunnlaugur Pétursson (IP-tala skráð) 26.9.2008 kl. 22:32]

Ég er algjörlega sammála þér. Ég hef barist gegn vegi um Teiggskóg og þverunum Djúpafjarðar og Gufufjarðar í mörg ár vegna mikilla náttúruspjalla. Nú er kominn tími til að þrýsta enn frekar á jarðgangaleiðir á þessu svæði og endurreikna haghvæmni jarðganga í ljósi hás eldsneytisverðs.