Ríkisstjórn Jóhönnu Sigurðardóttur nýtur trausts

Frétt af mbl.is

Ríkisstjórnin fengi meirihluta
I Stjórnarflokkarnir fengju samtals 37 þingmenn ef niðurstöður alþingiskosninga yrðu í samræmi við niðurstöðu skoðanakönnunar sem Capacent gerði fyrir Morgunblaðið og RÚV. Samfylkingin mælist nú með 31,1% fylgi og fengi 21 þingmann. Flokkurinn hefur bætt við sig nær tíu prósentum frá könnun í byrjun ársins.
Lesa meira

-------------------------------------------------------------------------------------------------------------------------------

Ljóst er að ríkisstjórnin undir forystu Jóhönnu Sigurðardóttur nýtur meirihlutatrausts þjóðarinnar.

Tæp 56 % styðja ríkisstjórnina. 

Vinstri grænir undir forystu Steingríms J.  fá tæp 25% fylgi sem hlýtur að teljast gott traust til þeirra og verðskuldað.

Samfylkingin fær rúmlega 31% fylgi sem einnig verður að skoðast sem mikið traust. 

Athyglisvert er að núverandi ríkisstjórn er minnihlutastjórn og "nýtur" stuðnings Framsóknarflokksins, en með meirihlutafylgi meðal þjóðarinnar í þessari könnun

Eftir formannsskiptin í Framsókn reis fylgið hjá þeim í rúm 16% en í þessari könnun mælist fylgið tæp 13% . Það hljóta að vera mikil vonbrigði Framsóknarmanna. 

Ljóst er að þjóðin kann ekki að meta framgöngu Framsóknar í því hlutverki að styðja minnihlutastjórnina. Stöðug upphlaup Framsóknamanna á alþingi og nú síðast  uppnámið kringum Seðlabankafrumvarpið- hefur aukið á ótrúverðugleika þeirra.

Einnig hafa þær efnahagstillögur þeirra um 20% flata skuldaniðurfellingu ekki reynst traustvekjandi- enda fyrst og fremst í þágu auðmanna en skattaklafar lagðir á almenning. Frjálslyndiflokkurinn er að leysast upp.  

 Þetta eru því athyglisverðar niðurstöður sem þessi skoðanakönnun vísar til...

Ríkisstjórnin fengi meirihluta

Varnarræða við endimörk

Frétt af mbl.is

SÍ varaði í febrúar við hruni í október
Innlent | mbl.is | 24.2.2009 | 21:11
Davíð Oddsson seðlabankastjóri sagði í Kastljósi RÚV í kvöld að í febrúar í fyrra hefði bankastjórn Seðlabanka Íslands varað ríkisstjórnina því að íslenska bankakerfið „færi á hausinn" í október - eins og raunin varð.
Lesa meira

--------------------------------------------------------------------------------------------------------------------------------

Þetta var fyrst og fremst varnarræða hjá stjórnmálaskörungnum Davíð Oddssyni, Seðlabankastjóra. Varnarræða manns sem er að ljúka ferlinum í Seðlabankanum.

Ólán Davíðs er fyrst og fremst að hafa tekið að sér stöðu aðalbankastjóra Seðlabankans.

Í þá stöðu átti hann ekkert erindi og á þeim tímum sem efnahagsleg menntun, yfirgripsmikil þekking og reynsla peningamála ,skipti sköpum.

Sterkur persónuleiki og yfirdrifin stjórnsemi - bætti ekki stöðuna.

Ekki er vafi á að ýmislegt frá Davíð Oddssyni hefur komið Seðlabankanum til góða.

En efnahagshrunið er staðreynd og traust og trúverðugleiki Seðlabankans er að engu orðinn - bæði utanlands og innanlands.  Það er bara staðreynd. 

Endurreisn Íslands er mjög tengd nýrri áhöfn í Seðlabanka Íslands og það strax. 

Davíð Oddsson Seðlabankastjóri verður að draga sig til hlés og aðrir að taka við - annað er ekki í boði.

SÍ varaði í febrúar við hruni í október

Framsókn til varnar Davíð seðlabankastjóra

Alþjóðagjaldeyris- sjóðurinn bíður eftir arftaka Davíðs

Tomsen

Mánudagur 23. febrúar 2009 kl 15:53

Höfundur: ([e-mail])

Fulltrúar Alþjóðagjaldeyrissjóðsins bíða átekta og hafa í hyggju að fresta för hingað til lands þar til stjórnvöld hafa skipt út yfirstjórn Seðlabankans. Þetta hefur DV eftir áreiðanlegum heimildum úr stjórnkerfinu og þinginu.

Fyrir liggur að meta framvindu og skilvirkni áætlunar sem gerð var með samningi stjórnvalda og Alþjóðagjaldeyrissjóðsins í byrjun nóvember síðastliðinn. Tafir eru þegar orðnar ýmsum þáttum, þar á meðal mat á sannvirði eigna yfirteknu bankanna.
Jóhanna Sigurðardóttir, forsætisráðherra, hefur margoft sagt að megintilgangur seðlabankafrumvarpsins sé að skapa traust til starfsemi bankans og trúverðugleika í samskiptum við aðrar þjóðir.

Ljóst má því vera að töf á afgreiðslu seðlabankafrumvarpsins er farin að hafa áhrif á samskipti stjórnvalda og Alþjóðagjaldeyrissjóðsins.
Þingfundur hefst á Alþingi klukkan hálf fimm í dag þar sem hugsanlegt er að seðlabankafrumvarpið verði tekið til afgreiðslu þrátt fyrir að það hafi ekki verið afgreitt frá viðskiptanefnd. (visir.is)

----------------------------------------------------------------------------------------------------------------------------

 Hvað vakir fyrir Framsókn með þessum tafaleik við afgreiðslu frumvarps ríkisstjórnarinnar um nýskipan Seðlabankans ?  Annar af tveim fulltrúum Framsóknar í Viðskiptanefnd hafnar afgreiðslu frumvarpsins- en hinn ekki. Því er borið við að Sigmundur formaður Framsóknar styðji málið - skrýtið sjónspil.  Nú eru þetta árlegar skýrslur frá ESB varðandi Seðlabankamál og engin stórtíðindi á ferð - sem verið er að vitna til við þessa uppá komu. Er málið einfaldlega eitthvert kosninga-auglýsingatrikk Framsóknar - ef svo er þá er þetta þeim mjög dýrt spaug...

Strandkapteinar lýsa frati á Seðlabankafrumvarpið

Frétt af mbl.is

Gagnrýna Seðlabankafrumvarp
Viðskipti | mbl.is | 17.2.2009 | 9:44
Seðlabankastjórarnir gagnrýna harðlega breytingar á lögum um Seðlabanka Íslands. Segja þeir mjög mikilvægt að kasta ekki til höndunum við breytingar á lögunum. Sýna þurfi mikla gát og vandvirkni til að fyrirbyggja að úr verði stjórnsýslubastarður, sem geri stjórnina óskilvirka og valdi tortryggni.
Lesa meira

 Það er fróðleg lesning að fá fram viðhorf núverandi Seðlabankastjóra á væntanlegu frumvarpi um stjórn Seðlabankans.  Hér tala menn sem gert hafa Seðlabanka Íslands gjaldþrota og rústað trúverðugleika hans bæði utanlands sem innan. Gert okkur Íslendinga að athlægi meðal þjóðanna.  Stjórnsýslubastarður er notað til varnaðar við gerð hins nýja frumvarps. Er hugtakið stjórnsýslubastarður ekki einmitt lýsandi fyrir störf þessara Seðlabankastjóra á aðdraganda og í kjölfar mesta efnahagshruns sem íslenska þjóðin hefur upplifað og á eftir að upplifa um ókomin  ár.  Stjórnsýslubastarðar skulu þeir heita- einkum foringi þeirra. Brýnt er að hið nýja frumvarp um Seðlabanka Íslands verði sem fyrst að lögum. Núverandi ríkisstjórn er treyst fyrir að fullgera verkið.

Gagnrýna Seðlabankafrumvarp

Jón Baldvin og framtíðin

Ingibjörg Sólrún ekki að hætta
Innlent | mbl.is | 14.2.2009 | 18:38
Ingibjörg Sólrún Gísladóttir, formaður Samfylkingarinnar, sagði í fréttum Stöðvar 2 að hún hefði ekki tekið ákvörðun um að hætta formennskunni. Jóhanna Sigurðardóttir, forsætisráðherra, sagðist í fréttum Ríkisútvarpsins treysta Ingibjörgu Sólrúnu fullkomlega sem formanni flokksins og formannsframboð væri ekki inni í myndinni.
Lesa meira

-------------------------------------------------------------------------------------------------------------------------

Án þess að leggja mat á mögulega áfram haldandi forystu Ingibjargar Sólrúnar- þá er ljóst að næstu árin á Íslandi verða erfið og mikilvægt að rétt og vel verði staðið að  endurreisninni.

Fáir kostir sem prýða mega forystu í þau verkefni, eru verðmætari en góð menntun, víðtæk þekking og yfirgripsmikil reynsla af þjóðmálum.

Allt þetta hefur Jón Baldvin í ríkum mæli. Hvað varðar langt frí frá stjórnmálum  og nokkurn aldur - þá eru ágæt dæmi  um einmitt alla þessa kosti- mjög vel þekkt í sögunni . 

Nefna má Winston Churchill og Konrad Adenauer sem dæmi um reynslu mikla menn sem kallaðir voru til forystu þjóða sinna á ögurstund.

Ástandið á Íslandi er efnahagshamfaraástand.... 

Talað er um unga og velmenntaða menn  til slíkrar forystu- þeirra sé framtíðin.  Það var nú einmitt sem gerðist í bönkunum- ungir og geysi velmenntaðir  menn fylltu bankana og þeim reyndari var ýtt út.

Allt gekk vel í fyrstu- en síðan varð algert efnahagshrun.

Það vantaði þekkinguna og reynsluna...  

Ingibjörg Sólrún ekki að hætta

Lífeyrissjóðir almennings skerða eftirlaun en ríkisstarfsmenn halda sínu.

Frétt af mbl.is

Skerða lífeyri um allt að 10%
Innlent | Morgunblaðið | 10.2.2009 | 5:54
Lífeyrisréttindi munu skerðast um fimm til tíu prósent að jafnaði á þessu ári vegna bankahrunsins í október, samkvæmt heimildum Morgunblaðsins. Mismunandi er eftir sjóðum hvort skerðing mun eiga sér stað. Lífeyrissjóður opinberra starfsmanna og sjóðir sveitarfélaga munu ekkert þurfa að skerða.
Lesa meira

--------------------------------------------------------------------------------------------------------------------------

Misjöfn eru kjörin hjá fólkinu í landinu þegar kemur að eftirlaunum. 

Hinir almennu lífeyrissjóðir eru algjörlega háðir markaðslögmálunum og verðgildi þeirra sveiflast því upp og niður eftir vísitölum markaðanna. 

Nú er bankahrun á Íslandi og efnahagskreppa.  Hinir almennu lifeyrissjóðir hafa tapað stórfé við hrunið.   Skerða verður eftirlaun  um 10 % og jafnvel enn meira síðar.  Fyrir marga er þetta mikið áfall . 

En í þessu þjóðfélagi sitja ekki allir við sama borð þegar eftirlaun eru annars vegar- sumir eru alveg gulltryggðir með sín eftirlaun. 

Opinberir starfsmenn og sveitafélaga eru alveg ótengdir efnahagssveiflum eða efnahagshruni. Ríkissjóður tryggir ávallt verðgildi eftirlauna þeirra.  Til þess er notað skattfé skattborgaranna. 

Eftirlaun æðstu embættismanna , þingmanna og ráðherra er síðan í alveg sérstöku vernduðu umhverfi. 

Ljóst má vera að eftirlaunaréttindi fólks , þegar starfsævinni lýkur , eru í himinhrópandi ósamræmi. 

Allir hafa unnið á starfsævinni þjóð sinni gagn - en þegar upp er staðið og ævistarfinu lýkur - þá blasir við hrikalegt óréttlæti. 

Þetta hrikalega óréttlæti verður að leiðrétta.

Skerða lífeyri um allt að 10%

Prófkjör og efnahagshrunið

Frétt af mbl.is

Prófkjör um miðjan mars
Innlent | mbl.is | 7.2.2009 | 12:04
Á fundi í Verði - Fulltrúaráði sjálfstæðisfélaganna í Reykjavík sem haldinn var í morgun var einróma samþykkt að viðhaft skuli sameiginlegt prófkjör í Reykjavíkurkjördæmunum vegna uppröðunar á lista Sjálfstæðisflokksins við alþingiskosningarnar og að það fari fram dagana 13. og 14. mars nk.
Lesa meira

--------------------------------------------------------------------------------------------------------------------------------

Það er greinilegt að vilja almennings til aukins lýðræðis á ekki að virða .  Kröfur eru uppi um aukið lýðræði við næstu alþingiskosningar - að kjósendur raði frambjóðendum á lista flokkanna (flokks)

Það heita persónukosningar. 

Það þýðir að kjósandi á val milli frambjóðenda og getur greitt þeim atkvæði sem hann/hún treystir best. 

Nú er valið aðeins að setja X framan við bókstaf þess flokks sem valinn er. Allt það fólk sem á viðkomandi lista er - hefur verið valið fyrirfram í prófkjörum og er óbifanlegt úr þeim sætum- í kjörklefanum. 

Þetta er ekkert lýðræði- þetta er flokksræði.

Síðan eru það þessi prófkjör .

Hvað spila utanaðkomandi fjármunir veigamikið hlutverk í niðurstöðunni fyrir hvern og einn ?  Á tímum auglýsinga ,markaðssetninga er ljóst að hægt er að kaupa nánast hvað sem er. Og því ekki hagstætt þingmannsefni - jafnvel mörg. 

Og þá skiptir máli að viðkomandi lendi í öruggu sæti á framboðslista.  Enginn setur fjármuni í svona spilverk nema að það skili einhverjum arði - eða hvað ?  Er t.d ekki auðvelt að sjá fyrir sér að okkar efnahagshrun eigi sér djúpar rætur í veikleikum prófkjöra flokkanna- einkum þeirra sem lengsta valdasetu hafa átt á alþingi ?? 

Er ekki hin inngróna spilling sem við erum nú að upplifa ,að er og hefur verið beintengd stjórnmálaöflunum? 

Og eftir höfðinu dönsuðu limirnir. 

Nú er allt okkar efnahagslíf hrunið og þjóðlífið í rúst-og þjóðin hneppt í skuldafjötra.   Og sá flokkur sem mesta ábyrgð ber á hruninu- boðar nú gömlu spilltu aðferðina við að velja fólk á sinn framboðslista- prófkjör. 

Lýðræðinu er hafnað af þeim flokki- hvað verður með hina ?

Nú mætum við öll á Austurvöll í dag kl 15 og mótmælum spillingunni

Prófkjör um miðjan mars

Jón Ásgeir gefur þjóðinni pungspark.

Beint í meginmál síðu.

Vísir, 04. feb. 2009 10:13

Jón Ásgeir: Pungspark frá Landsbankanum

Jón Ásgeir Jóhannesson, starfandi stjórnarformaður Baugs.

„Þetta var eina leiðin fyrir okkur til að verja hagsmuni fyrirtækja okkar og annarra lánadrottna. Landsbankinn gaf okkur ekki annan kost," segir Jón Ásgeir Jóhannesson, starfandi stjórnarformaður Baugs, um ástæður þess að félagið hefur farið fram á greiðslustöðvun.

„Þetta er pungspark frá Landsbankanum sem hefur það í för með sér að Bretar munu eignast nokkur af bestu fyrirtækjum í eigu Íslendinga á spottprís. Á meðan við ætlum að borga Icesave upp í topp þá gefum við á sama tíma Bretum fyrirtækin okkar. Ég er viss um að Philip Green dansar stríðsdans í stofunni heima hjá sér núna því hann á eftir að eignast stóran hluta af fyrirtækjum okkar nær ókeypis," segir Jón Ásgeir í samtali við Vísi.

Aðspurður hvort hann viti hver ástæða Landsbankans fyrir þessum aðgerðum sé svarar hann: „Þú verður að spyrja skilanefnd Sjálfstæðisflokksins að því." Spurður nánar út í það segir Jón það varla tilviljun að þetta komi á sama tíma og Davíð Oddssyni sé sagt upp í Seðlabankanum."

-----------------------------------------------------------------------------------------------------------------------------

Nú er enga peninga lengur að mjólka út úr  eigum þjóðarinnar . Þessi útrásarfífl hafa þurrausið og yfirveðsett öll þau verðmæti sem hefur tekið þjóðina marga áratugi að byggja upp. Gamalgróin og fyrrum öflug fyrirtæki eru komin á vonarvöl  sem og þjóðin.  Og nú kemur í ljós að þessi rómuðu fyrirtæki sem þessi útrásarfífl voru að kaupa erlendis- standa enganvegin undir sjálfu sér ein og sér .  Allt byggðist á blekkingu - við þjóðin vorum látin borga fyrir leiksýninguna - dýru verði.  Allt er hrunið hjá þessum bjánum. Og nú verðum við að taka við skuldunum- til viðbótar úthreinsun þeirra á þjóðareigum okkar.  Jón Ásgeir Jóhannesson talar um að hann hafi fengið púngspark frá Landsbankanum með aðstoð Sjálfstæðisflokksins . Er ekki það rétta að Jón Ásgeir Jóhannesson hefur gefið þjóð sinn ærlegt púngspark ?   Allavega verðum við að borga verulegan hluta þessa spilaskulda hans...

 

Jóhanna Sigurðardóttir , forsætisráðherra

Forsætisráðherra , Jóhanna Sigurðardóttir                                                                        

Lengi býr að fyrstu gerð.

Það á vel við um Jóhönnu Sigurðardóttir nýskipaðan forsætisráðherra Íslands- fyrst íslenskra kvenna.  Jóhanna er fædd og uppalin innan kjarngóðrar alþýðufjölskyldu.

Amma hennar , Jóhanna Egilsdóttir var mikill verkalýðsleiðtogi og baráttukona fyrir bættum hag íslenskrar alþýðu- fyrrihluta síðustu aldar.

Hún á því ekki langt að sækja óbilandi þrek, baráttu og hugsjón fyrir velferð íslenskrar alþýðu og þeirra sem minna mega sín í lífsbaráttunni.

Í 30 ár hefur hún verið málsvari og málafylgjukona fyrir bættum kjörum íslenskrar alþýðu á alþingi Íslendinga bæði sem þingmaður og ráðherra.

Og nú í síðustu ríkisstjórn Geirs H.Haarde hefur hún gengt stöðu félags og tryggingamálaráðherra við góðan orðstír. Mörg réttindamál barna,kvenna  sem og aldraða og öryrkja hafa orðið að veruleika  í þeirri ríkisstjórn. 

Og nú er tekin við ný ríkisstjórn í kjölfar efnahagshruns nýfrjálshyggjunnar. Sú ríkisstjórn er mynduð af Samfylkingu og Vinstri grænum og  með hlutleysi Framsóknar.

Enginn þótti betur til þess hæf en Jóhanna Sigurðardóttir að veita þeirri verkefnastjórn forystu- forsætisráðherra.  Gríðarleg verkefni bíða þessarar ríkisstjórnar- tími hennar er mjög skammur eða aðeins 82 dagar.

Mörg tímamótamál fyrir þjóðina verða verkefni þessarar stjórnar. Lýðræði , auðlindamál og tiltekt í stjórnkerfinu ber hátt. 

Og eins og Jóhanna Sigurðardóttir sagði- dugi ekki dagurinn í verkið þá bætum við nóttinni við. 

Og blómin spretta á rústum efnahagshrunsins

                  Rauð og Græn

Ríkisstjórn Jóhönnu Sigurðardóttur boðar upphaf endurreisnar Íslands í kjölfar efnahagshrunsins.

það eru bundnar miklar vonir við verkin sem unnin verða.

  Jóhanna Sigurðardóttir og ríkisstjórn hennar þarf á miklum stuðningi þjóðarinnar að halda næstu 2 mánuðina.

           Veitum henni öflugan stuðning.

                                                       

Seðlabankastjórann út- lækkum vextina

Frétt af mbl.is

Vildu lækka vexti en ekki IMF
Viðskipti | mbl.is | 29.1.2009 | 11:07
Bankastjórn Seðlabanka Íslands taldi tímabært að hefja lækkun vaxta nú og var sú afstaða kynnt Alþjóðagjaldeyrissjóðnum (IMF). Framkvæmdastjóri hans hvatti hins vegar til þess að vöxtum yrði haldið óbreyttum að sinni m.a. vegna tímabundinnar óvissu í íslenskum stjórnmálum.
Lesa meira

Ljóst er að  Alþjóðgjaldeyrissjóðurinn (AGS) sem hefur tryggt okkur lágmarks lánsfé í erlendri mynt gerir miklar kröfur um skilvísa nýtingu þeirra fjármuna fyrir fólkið í landinu. 

Strangt eftirlit er með okkar meðferð á þeim fjármunum. Á þriggja mánaðafresti er okkur gert að gera  fulltrúum AGS grein fyrir framkvæmd okkar peningamála.

Ef við uppfyllum ekki okkar hluta samningsins- missum við af frekari lánum.  Seðlabankanum er gert að stýra framkvæmd samningsins í peningamálum. 

Nokkrum mánuðum fyrir hrun okkar efnahags og bankakerfis lokaði alþjóðafjármálakerfið á allar lánveitingar til okkar.

Stjórn peningamála naut einskins trausts . Seðlabankinn, Fjármálaeftirlitið ásamt Fjármálaráðuneyti var og er algjörlega trausti rúið. 

Stjórnvöld sem leiddu þjóðina í hrunið eru trausti rúin. Nú hafa þau stjórnvöld sagt af sér- einn ráðherra hefur axlað ábyrgð- viðskiptaráðherra. Fjármáleftirlitið hefur verið leyst upp.

Ennþá situr trausti rúin stjórn Seðlabankans.

Þjóðin bíður þess nú að síðustu leifarnar af þessu stjórnvaldi sem leiddi þjóðina á heljarþröm efnahagshruns- verði vikið frá- Seðlabankastjórnina burt- strax. 

Þegar ný ríkisstjórn tekur við völdum nú um helgina - hefst endurreisn íslensks efnahags og þjóðlífs. Mikið hreinsunarstarf liggur fyrir og margar bráðaaðgerðir til hjálpar atvinnulífi , heimilum og fjármálalífinu í landinu.  

Mótmælaöldur fjöldans- fólksins í landinu hafa verð kraftmiklar síðustu 16 vikurnar og æ fjölmennari.

Allar kröfur fólksins hafa náð fram að ganga - utan ein- Seðlabankastjórinn situr ennþá og fer hvergi.

Og vextir haldast því  ennþá háir- atvinnulífi og heimilum - blæðir

Mætum öll á Austurvöll á laugardaginn kl. 15 og leggjum áherslu á þá kröfu að stjórn Seðlabankans víki- strax 

Vildu lækka vexti en ekki IMF

Eru Vg stjórntækur flokkur við ríkjandi ástand ?

Frétt af mbl.is

„Allt kemur til greina"
Ingibjörg Sólrún Gísladóttir, formaður Samfylkingarinnar, segist vilja kosningar í vor þar sem nauðsynlegt sé fyrir stjórnmálamenn að gera hreint fyrir sínum dyrum fyrir fólkið í landinu.
Lesa meira

  Nú er talað um stjórnarslit og kosningar í vor . Horft er til Vg um myndun ríkisstjórnar fram að kosningum í vor.  Er það raunhæfur kostur ?

VG skorar alltaf hátt í skoðanakönnunum. Mælist nú samkvæmt skoðanakönnun með um 28%  fylgi

Fólk sem er stuðningsfólk annarra flokka, en er ósátt við þá- notar gjarnan VG , þegar spurt er í skoðanakönnunum- til að veita sínum flokki ráðningu, telji það þess þörf.

Á kjördag er gamli flokkurinn síðan kosinn og raunfylgi VG birtist upp úr kjörkössunum 14-16 % .

Nú er ólga og margir ósáttir , einkum í stjórnarflokkunum- VG fær þann skell með sýndarfylgi.   Nú er ljóst að samkomulag milli stjórnarflokkanna er í molum og samstarfið hangir í lausu lofti. 

Bráðavandi er framundan á næstu dögum vegna fjárhagsmála- atvinnulífs og heimila. Einnig eru ESB málin á mikilvægum tímapunkti.

Gríðarlegir erfiðleikar eru við lánsfjárútvegun erlendis frá vegna þess vantrausts sem ríkir í garð Íslendinga vegna forystu í Seðlabanka,fjármálaeftirliti og fjármálaráðuneyti. Þessar stofnanir eru öllu trausti rúnar.

Sjálfstæðisflokkur er alls ófær um að leysa vanda þessara fjármálastofnana ,en þær heyra undir forsætisráðherra.  Vegna þessa er stjórnakreppa og brýnt að þessi ríkisstjórn verði leyst upp nú þegar. 

Best væri að VG og Samfylkingin , með hlutleysi Framsóknar, myndi ríkisstjórn fram að kosningum í vor.

Nú reynir á VG ,bæði í bráð og lengd. Eru þeir yfirhöfuð ábyrgur stjórnmálaflokkur sem getur tekið á  erfiðum málum , en lífsnauðsynlegum fyrir þjóðina-  eða er hann óábyrgur ?   Fram að þessu hefur þjóðin metið hans trúverðugleika á 16 % 

Við bíðum spennt..

 

„Allt kemur til greina"

Ofbeldi mótmælenda - fordæmt

Frétt af mbl.is

Táragasi beitt á Austurvelli

Táragasi var skotið á mótmælendur á Austurvelli nú um klukkan hálf eitt en það mun vera í fyrsta skipti frá árinu 1949 sem slíku gasi er beitt hér á landi. Hvítan reyk lagði yfir Austurvöll þegar gashylkjunum var skotið flúðu mótmælendur af svæðinu en lögreglumenn voru allir búnir gasgrímum.
Lesa meira

Á hverjum laugardegi frá því hrunið varð ,hafa farið fram friðsöm mótmæli á Austurvelli . Þar hafa í heildina tugþúsundir manna og kvenna á öllum aldri og þjóðfélagsgreinum, mótmælt.

Alltaf í friði og spekt.  

Fáar en mjög skýrar og ákveðnar kröfur hafa þar verið framsettar og hafa þær átt mikinn hljómgrunn meðal þjóðarinnar og einnig notið stuðnings frá virtum aðilum erlendis frá. 

Þessar kröfur eru að stjórnum Seðlabanka og Fjármálaeftirlits sé vikið frá , að ríkisstjórnin víki og kosið verði til þings á vori komandi. 

Þessar kröfur hafa með öllu verið hundsaðar og að engu hafðar,af stjórnvöldum.

Allt hrunaliðið situr sem fastast- enginn axlar ábyrgð eða hefur verið látinn axla ábyrgð. 

Við setningu alþingis , að loknu mánaðarlöngu jólaleyfi þingmanna- voru friðsöm en hávaðasöm mótmæli við alþingishúsið - þó urðu átök vegna útrásar víkingasveitar lögreglu við einskorðað atvik. 

En inni á alþingi höfðu þingmenn ekki áhyggjur af stöðu mála- umræða dagsins , eftir mánaðar leyfi , var að ræða brennivínssölu í verslunum stórmarkaða. Veruleikfirrt alþingi.

Uppúr sauð utandyra.

Ofbeldisfólk fékk aukið vægi - því miður. Og mótmæli með aukinni virkni ofbeldisfólks hélt áfram.  Þetta ofbeldisfólk er fordæmt og beita þarf öllum ráðum til að fjarlægja það og leiða því fyrir sjónir villu síns vegar- við friðsamir mótmælendur höfnum þessu ofbeldi. 

Nú berast fregnir um að núverandi ríkisstjórn sé í þann veginn að fara frá- það er vel.  Hún nýtur einskins trausts né trúnaðar.  Það besta sem hún getur gert þjóð sinni er að fara frá nú þegar. Og í kjölfarið verður að hreinsa út úr Seðlabankanum og Fjármálaeftirliti.  Það er verkefni þeirra sem við taka að framkvæma þá hreinsun- Og kosningar í apríl- maí 2009 og friðum þjóðfélagið.

Táragasi beitt á Austurvelli

Fjöldahandtökuskipanir í kjölfar bankahrunsins

Frétt af mbl.is

Milljarðalán án áhættu
Útvaldir viðskiptavinir Kaupþings, þar á meðal Ólafur Ólafsson, annar stærsti eigandi bankans, fengu milljarða króna að láni til að gera samninga sem þeir gátu ekki tapað á.
Lesa meira

 Nú stendur sýslumaðurinn í Selfossi í fyrstu fjöldahandtökunum sem tengjast bankahruninu á Íslandi. 340 Íslendingar til heimilis á Suðurlandi eru á handtökulistanum.

Ákærurnar eru vegna áranguslaus fjárnáms hjá viðkomandi. 

Ekki er þetta fólk nú fyrrum útrásarbankamenn eða þeirra stærstu viðskiptavinir- þetta fólk telst til almennings- sem væntanlega hefur komist í greiðsluþrot til þessara fv.einkabanka. 

Lög skulu gilda í landinu.  En réttlætiskennd er misboðið hjá fólkinu í landinu. 

Ekki einn einasti þeirra sem höfuðábyrgð bera á efnahagshruni Íslands er þessa heiður aðnjótandi að lögreglan sjái ástæðu til  að hýsa þá - meðan stórfelld vafasöm viðskipti þeirra eru rannsökuð. 

Viðskiptamódel Ólafs Ólafssonar,Sigurðar Einarssonar og sheiksin frá Qatar er í meira lagi grunsamlegt . 

Þeim eru lánaðir tugir milljarða kr.  , án heimilda, án veðtrygginga út úr Kaupþingi til einkabraks- til stórfelldar eignatilfærslu í þeirra eigin vasa- á síðustu dögum fyrir hrun.

Hluthafar Kaupþings borga tapið .þ.á.m  gamla fólkið á Íslandi með tapi á lífeyrisfjármunum sínum. Og auðvitað fór gerningurinn um skattaparadís á Jómfrúeyjum. 

Tap hluthafa Kaupþings m.a lífeyrissjóaðanna er áætlað 37,5 milljarða kr. Grunur er um stórfelldan þjófnað þessara ofangreindu manna. 

Þess er krafist að þeir verði handteknir nú þegar og verði í gæslu það til öll þeirra mál verða upplýst , af saksóknara.  Yfirvöldum ber að forgangsraða málum með tilliti til mikilvægis og stærðar og byrja hjá þeim stóru... 

Síðan mætum við , almenningur á Austurvöll í dag þ. 20 . janúar  2009 og fögnum endurkomu alþingismanna og kvenna til starfa að nýju eftir mánaðarlangt jólaleyfi-- og klöppum rækilega fyrir framtakinu.

Ríkisstjórn Íslands segi afsér hið fyrsta og kosningar í vor

Milljarðalán án áhættu

Íslensk náttúra er auðævi þjóðar til framtíðar.

Frétt af mbl.is

Ísland eitt það heitasta
Ísland fær um þessar mundir jákvæða umfjöllun í erlendum miðlum um ferðamennsku, sem hagkvæmur kostur eftir fall krónunnar.
Lesa meira

Þetta eru góð tíðindi í kjölfar víkingaherferðar okkar til nágrannalandanna .

Leiðarvísirinn Lonely Planet hefur útnefnt Ísland sem einn af sínum „heitustu“ áfangastöðum á árinu 2009 . Þannig að Bretar eru ekki mjög langræknir á að við skyldum gerast helst til fingralangir í sparifé þeirra á tímum hinnar óheftu gróðafíknar.  Þeir kenna kannski þjóðinni ekki um brambolt nokkurra útrásarvíkinga.                                                                                                                                      Náttúruperlan-Flosagjá á Þingvöllum

En landið er fagur og frítt - enn sem komið er. Mikið í að sækja hingað fyrir þá sem dá óspillta náttúru- en þau verðmæti aukast sífellt. 

Og ekki eru ferðalangar lengur bundnir við við hásumar tímann einan. Hingað eru að streyma skemmtiferðaskip - nú þegar í janúar.

Ferðamannatíminn er að lengjast - hann er að ná til ársins alls.  Tekjumöguleikar okkar af ferðamannastraumnum eru mjög miklir og fjölbreytni þjónustunnar eykst. 

 

 Öræfakyrrð á Langasjó

Við eigum að leggja okkur mjög fram á þessum stóra og vaxandi markaði.  Utan hásumarstímans eru það fyrst og fremst fólk sem komið er á eftirlaun sem eru markhópurinn. 

Við verðum að taka ferðamannaþáttinn inní okkar framtíðarsýn í atvinnumálum- orkunýtingin er okkur mjög mikilvæg- en þar verður að fara með varúð.

Enginn vafi er á að hálendi Íslands heillar.  Hverir og vatnsföll eru upplifun . Eldsumbrotasvæði eru eitt af undrum veraldar.

Af öllum þessum gersemum getur Ísland ennþá státað.  Verksmiðjuvæðingin hefur ekki skaðað landið svo mjög. 

Óspillt fuglabjarg í Melrakkaey

Við höfum enn tíma til að byggja upp okkar framtíð með gæðum landsins lítt spilltum.

Við þurfum að endurnýja sjávarbyggðir landsins með því að færa okkar rómuðu fiskveiðar og sjálfbæra nýtingu þeirra aftur til byggða landsins- fólksins sem byggir landið allt.

Það hefur mikið aðdráttarafl fyrir gesti okkar - sem ferðast um landið. Að upplifa fagurt mannlíf - nátengt sjálfbærum náttúru gæðum.

Í ferðamannageiranum liggja ómæld tækifæri okkar, sem búum hér norður við mörk hins byggilega heims.

Nýtum það til fulls, á sem sjálfbærastan hátt.

 

Ísland eitt það heitasta

LÍÚ fagnar að fá meiri kvóta í skulda óráðsíuna

Frétt af mbl.is

Stjórn LÍÚ fagnar kvótaaukningu
Stjórn Landssambands íslenskra útvegsmanna, LÍÚ, fagnar þeirri ákvörðun Einars K. Guðfinnssonar, sjávarútvegs- og landbúnaðarráðherra, að auka heildaraflamark í þorski á yfirstandandi fiskveiði ári um 30.000 tonn. Jafnframt fagnar stjórn LÍÚ þeirri yfirlýsingu ráðherra að gert sé ráð fyrir því að heildaraflamark í þorski verði ekki lægra en 160 þúsund tonn á næsta fiskveiðiári.
Lesa meira

LÍÚ er félag útgerðamanna sem hafa fengið "eignarhald" á öllum óveiddum fiski í sjónum við strendur Íslands allt að 200 sjómílur á haf út.   Enginn smá biti það  . Þó eru fiskimiðin, auðlindin sjálf - þjóðareign.   23 ár eru síðan settar voru takmarkandi aflaheimildir innan fiskveiðilögsögunnar . Það var gert í tvennum tilgangi : 

1)  Að koma í veg fyrir ofveiði sem þá var talin hætta á. 

2)  Að auka hagkvæmi veiðanna og útgerðanna.  Á þeim tíma voru veiðiheimildir milli 350- 400 þús   tonn af þorski/ári.  

Og nú  23 árum síðar er staðan sú að heimilt er að veiða 130 þús.tonn/ári af þorski . (2008)   Og útgerðin er skuldugri en nokkru sinni fyrr í sögu Íslands  . Útgerðin skuldar 800- 900 milljarða ísl kr.  

Afrakstur Íslandsmiða að verðmæti á ári eru rúmir 100 milljarðar ísl. kr.  Ljóst má vera að nákvæmlega ekkert hefur gengið eftir með tilgang kvótalaganna- þvert á móti - allt hefur gengið í þveröfuga átt. 

Og hvernig má það vera að skuldsetning útgerðarinnar er nærri 10 sinnum meiri en afraksturinn /fiskveiðiár ?  

Uppkaup á kvóta er ein ástæðan - kílóverð var komið 4500 ísl kr árið 2008 og síðan hlutabréfakaup útgerðanna í útrásarævintýrinu- alls óskylt útgerð fiskiskipa.  Þessa fjármuni getur útgerðin aldrei borgað til baka.

Bankarnir eiga allan útgerðapakkann á Íslandi- þjóðin sjálf.  Kvótakerfið hefur með öllu brugðist og það traust sem LÍÚ var sýnt með umsjón auðlindarinnar- er með öllu af þeim rúið.

Og nú í kreppunni á að bæta við 30 þús tonna þorskkvóta.  LÍÚ er afhentur þessu kvóti - í  sína botnlausu óráðsíu.  

Ráðamenn hafa ekkert lært á efnahagshruninu- allt við það sama.  

Það sem hefði átt að gera - er að hefja uppstokkun á þessu hryllilega kvótakerfi

Svona bátar áttu á fá viðbótarkvótann

Setja þessi 30 þús./árs tonna af þorski á frjálsan markað.  Allir hefðu heimild til að kaupa veiðiheimildina. 

Kvótagjaldið rynni í ríkissjóð - sem síðan ráðstafaði afrakstrinum í ýmis atvinnutækifæri - um landið allt.  

Hinum úthlutaða (gjafa) kvóta yrði síðan smá saman úthlutað með sama hætti- enda á þjóðin allan kvótann með veðum í hinni fallit útgerð...

LÍÚ hefur fyrirgert öllu sínu tilkalli til þess kvóta sem var... þeir ráðstöfuðu honum öllum í hlutabréf  sem með öllu voru óskyld útgerð til fiskveiða- sumir í bílaumboð og einkaþyrlukaup... Útgerðin var veðsett fyrir gróðafíkn útrásarbankanna, sem nú eru komnir á öskuhauga sögunnar.

 

 

Stjórn LÍÚ fagnar kvótaaukningu

Að bregaðst hlutverki sínu- Sjálfstæðisflokkur í kreppu

„Brygðist sögulegu hlutverki sínu"

Sjálfstæðisflokkurinn yrði með öllu ótrúverðugur og brygðist sögulegu hlutverki sínu léti hann við það eitt sitja á landsfundi sínum að binda trúss sitt við Evrópusambandið. Þetta kemur fram í nýjum pistli Björns Bjarnasonar, dóms- og kirkjumálaráðherra, á vefsvæði hans.
Lesa meira

Að bregðast sögulegu hlutverki ?  Frá því ég man fyrst eftir mér gagnvart stjórnmálunum hér á landi - hefur það verið meginn málflutningur Sjálfstæðisflokksins að honum einum væri treystandi fyrir efnahagsmálum þjóðarinnar hvort sem væri á landvísu eða í borg.  Það væri hans stærsta og viða mesta sögulega hlutverk.

Nú hefur Sjálfstæðisflokkurinn lokið þessu sögulega hlutverki- hér á landi er allt efnahagslífið í rúst , að lokinni 17 ára samfelldri umsjón Flokksins við foystu efnahagsmála.  

Mér finnst engu frekara hægt að bæta við ótrúverðuleika Sjálfstæðisflokksins frá því sem þegar er orðið....

„Brygðist sögulegu hlutverki sínu“

Þúsundir mótmæla á Austurvelli

Auðlindir sjávar í þjóðareign er krafan

Mikið fjölmenni mætti til mótmælafundar á Austurvelli í dag 10. janúar 2009 . Í  fréttum RÚV kl. 16 var sagt að um 1500 mann væru á fundinum - sennilega haft eftir lögreglunni. En raunverulegur fjöldi sem mætti til þessarar mótmælastöðu hefur verið á bilinu 4-5000 manns .

Veður var hið besta , logn og hiti ofan frostmarks.

Og kröfur fólksins eru hinar sömu og frá fyrsta mótmælafundinum í október 2008 :

- Stjórn Seðlabankans víki frá

- Stjórn  Fjármálaeftirlitsins víki frá

Og að ríkisstjórnin víki og boðað verði til kosninga svo fljótt sem verða má.

Krafa um að Elín og Birna bankastjórar víki.

  Ræðumenn og konur fengu mikinn og góðan hljómgrunn .

Nú hafa verið haldnir 14 mótmælafundir á Austurvelli frá því banka og efnahagshrunið skall á þjóðinni í októberbyrjun árið 2008.

Ákalli mótmælenda , sem eiga mikinn hljómgrunn meðal þjóðarinnar, hefur í engu verið svarað af stjórnvöldum. Þögn og afskiptaleysi er svarið. 

Fram kom að nú fari í hönd fjölgun mótmælafunda og er skammt að bíða setningar Alþingis- Hvað skeður þá ?

 Ennþá eru eftirlaun ráðamanna gegn siðvitund fólksins

"Raddir fólksins "  hópurinn sem skipuleggur og stendur fyrir þessum mótmælum- leggur áherslu á að mótmælt sé friðsamlega.  Það hefur án undantekningar tekist . Mótmælin hafa verið og eru friðsamleg.

Kannski væri árangurinn meiri og víðtækari ef friðurinn væri minni ?

Vonandi átta ráðmenn og konur sig á að þarna eru kjósendur til þings þjóðarinnar  að láta raddir sínar heyrast og að koma saman á Austurvelli , vikulega ,  og sýna samstöðu.

Frá upphafi hafa tugþúsundir mætt á Austurvöll til þessara mótmæla.  

En ríkisstjórnin og hennar lið - liðið sem við kusum vorið 2007- hundsar fólkið.

Fjórtándi fundurinn á Austurvelli

Spillingin heldur áfram í bönkunum

Frétt af mbl.is

Tryggvi hafði bein afskipti
  Tryggvi Jónsson, fyrrverandi aðstoðarforstjóri Baugs, hafði bein afskipti af sölum á tveimur fyrirtækjum til fyrirtækja tengdum Baugi á meðan hann starfaði í Landsbankanum. Þetta kom fram í sjónvarpsfréttum RÚV.
Lesa meira

Ef hávær mótmælaalda hefði ekki komið til þá væri þessi skúrkur þarna ennþá inni í Landsbankanum við iðju sína .      Sjálfur afneitaði hann með öllu nokkrum afskiptum af Baugsmálum í störfum sínum í Landsbankanum-  allt ein tóm lygi.   Þessir yfirmenn sem ennþá eru innanborðs í Landsbankanum og eru tengdir fyrri tíð-fyrir hrun, þeim hlýtur að verða vikið frá störfum - nú þegar.    Allt þetta lið er samsekt- sérstaklega bankastjórinn.     Hvað með hina tvo bankana ?  Er alveg það sama uppi teningnum þar ?

Fer ekki hörð mótmæla alda af stað núna- Allavega mætum á Austurvöll kl 15 á morgun ,laugardag,

Tryggvi hafði bein afskipti

Ísland fordæmir innrásina á Gaza

Æfðu innrásina í átján mánuði
Erlent | AFP | 4.1.2009 | 20:59
Undirbúningur ísraelska hersins fyrir innrásina á Gaza stóð í átján mánuði, að sögn talsmanns hersins. Undirbúningurinn fór fram í yfirgefinni herstöð í eyðimörk en þar hafði verið reist eftirlíking af Gazaborg. Að minnsta kosti 500 Palestínumenn hafa fallið síðan árásir Ísraelshers á Gaza hófust lok desember og allt að 300 þúsund særst. Þjóðir heims þrýsta nú mjög á um vopnahlé á Gaza.
Lesa meira

Eftir þessum fréttum að dæma virðast Ísraelsmenn ætla að þurrka út Palestínuþjóðina sem býr á Gaza.  Ísraelríki er ekkert annað en útibú frá BNA- án þeirra stuðnings á öllum sviðum, bæði hernaðalega og stjórnmálalega, gætu þeir ekki stundað' þessa gereyðingarstyrjöld .  Fyrst og fremst eru þeir núna að murka lífið úr konum og börnum. Meira en 500 Palestínumenn hafa fallið en einn Ísraeli- slíkt er ofureflið. Í 18 mánuði hafa þeir undirbúið glæpaverkið.

Utanríkisráðherra Íslands, Ingibjörg Sólrún Gísladóttir, hefur fordæmt Ísraelsmenn fyrir glæpinn - það er vel og sómi Íslands.

Hugur okkar er nú hjá Palestínuþjóðinni.

Æfðu innrásina í átján mánuði

Frá árinu 2008 og til framtíðar.

 Árið 2008 er nú senn á enda runnið. 

Frá mínu sjónarhorni er tvennt sem stendur uppúr .

Í fyrsta lagi banka og efnahagshrunið og í öðru lagi hrun stjórnmálanna á íslandi. Hið fyrra , bankahrunið er afleiðing af hinu seinna , hruni stjórnmálanna.

Ljóst er orðið að á síðustu áratugum hafa stjórnmálin þróast frá því að vera brjóstvörn og umsjónaraðili okkar samfélagslegu gilda þjóðlífsins - yfir í að vera varðhundur viðskiptalífsins, stjórnmál klíku og flokkadrátta.

Með bankahruninu hefur komið í ljós að höfuð ástæða þess hvernig fór var að skipulega hafa leikreglur og eftirlit með viðskiptalífinu verið, ýmist afnumdar eða gerðar óvirkar með fullkomnu aðgerðarleysi. Klíkurnar og flokkadrættir tóku yfir.

Nýfrjálshyggjan varð að hreinu trúmáli.

Markaðurinn væri óskeikull- hann leiðrétti sjálfur allar skekkjur og misfellur- því minni afskipti stjórnvalda af markaðinum- því betra fyrir heildina var boðskapurinn og allar aðgerðir og aðgerðaleysi stjórnvalda urðu samkvæmt kennisetningu viðskiptalífsins.

Gott dæmi um þetta eru "Skoðanir Viðskiptaráðs" til nokkurra ára. Þar er hælst um yfir því að meira en 90% af óskum þeirra um minnkuð afskipti stjórnvalda af viðskiptalífinu- náðu fram að ganga. Þar á bæ var æðsta boðorðið að þeirra eigin sjálfskipuðu reglur skyldu gilda.Við því urðu stjórnvöld. Afleiðingin varð síðan efnahagshrun heillar þjóðar með skuldaklafa til kynslóða.

Stjórnmálaöflin brugðust fólkinu í landinu- þjóðinni allri.

Í kjölfar þessara atburða sem á haustdögum var hellt yfir þjóðina upphófst mikil reiði.

Fjölmennir mótmælafundir eru haldnir vikulega á Austurvelli þar sem þúsundir koma saman til að mótmæla stöðu mála.

Helstu kröfurnar eru að yfirstjórnum fjármálaeftirlitsstofanna , stjórn Seðlabanka og Fjármálaeftirlits verði vikið frá , að ríkisstjórnin víki og boðað verði til kosninga.

Nú þrem mánuðum eftir hrunið hefur enginn axlað ábyrgð eða verið látinn axla ábyrgð.  Hroki og raunveruleikaskyn stjórnmálanna gagnvart þjóðinni kom einkar skýrt fram á 2000 manna borgarafundi í Háskólabíó - þegar ráðherra lýsti því að þar væri þjóðin ekki stödd og allar skoðanir og kröfur sem þar komu fram- ómarktækar- þar töluðu einstaklingar. 

Áætlað er að um 20 þúsund manns verði atvinnulausir þegar í mars 2009.  Mótmæli munu halda áfram og sennilega stigmagnast. Vonandi átta stjórnvöld sig á því að þau eru í sætum sínum fyrir tilverknað kjósenda- þjóðarinnar- ekki sín vegna.

Árið 2009 verður erfitt ár.

Samdráttur í þjóðaframleiðslu,atvinnuleysi mikið-fjöldagjaldþrot munu einkenna þjóðlífið.  Ljóst er að innihald núverandi stjórnmálaflokka er málefna og forystulega komið í þrot.

Fólkið í landinu hefur misst allt traust til þeirra. Tortryggni ræður ríkjum. Ábyrgð þessa fólks sem hefur boðið fram krafta sína til þjóðmálaforystu - er mikil.

Tími flestra þeirra í íslensku stjórnmálalífi er liðinn.  Nýtt fólk óbundið af orsökum niðurlægingar þjóðarinnar- verður að taka við.

Mikilvægt er að við endurreisn stjórnmálanna verði blandað saman reynslu og þekkingu - þar veljist saman hinir eldri og reyndari ásamt hinum sem yngri eru - raunveruleg stjórn þjóðarinnar. 

Mikilvægast af öllu er að skapa traust milli þjóðar , stjórnmálanna , viðskipta og atvinnulífsins . Allar þær aðgerðir sem eru í gangi og verða í endurreisninni verða að vera uppi á borðinu og gagnsæjar.

Opinberar fjáreftirlitsstofnanir og Seðlabanki öðlist traust og trúverðugleika.

Og að lokum : Kosið verði til alþingis fyrrihluta vors 2009 og að Íslendingar gangi til samvinnu við Evrópuþjóðirnar og taki hér upp traustan gjaldmiðil sem færir okkur stöðugleika til frambúðar.

Öll él birtir upp um síðir.  Sameinuð sigrumst við á öllum okkar erfiðleikum.

Burt með klíkuskap og flokkadrætti.

 Gleðilegt og heillaríkt nýtt ár.