Ríkisstjórnin tekur á hundruð milljarða skattsvikum

Hundruð milljarða skattsvik
Innlent | mbl.is | 16.3.2010 | 11:47
Stjórnvöld segja að rannsókn á skattalagabrotum í tengslum við hrunið hafi leitt í ljós, að tekjur sem nema hundruð milljörðum króna hafa ekki verið taldar fram til skatts eins og lög gera ráð fyrir. Verður sérstakur vinnuhópur settur á stofn hjá embætti skattrannsóknastjóra til að fjalla um þetta.
Lesa meira

------------------------------------------------------------------------------------------------------------------------------

Það eru ekki neinir smá fjármunir sem skotið hefur verið undan - hundruð milljarðar króna.

 Það er ekki seinna vænna en tekið sé á þessum glæpum. 

  Og ríkisstjórnin boðar hert skattaeftirlit.

Sannalega orðið tímabært. 

Almennir launþegar eru mergsognir þar sem hver króna er skattlögð til hins ýtrasta.

Það hefur verið svo auðvelt- öll gögn vegna þeirra fara sjálfvirkt inní reikningskerfið. 

 Annað hefur gilt með þá sem stunda sjálfstæðan rekstur og fjármálaumsvif. 

Þar hefur þurft verulegt framlag skattayfirvalda við aðhald og rannsóknir.

Nú á á bæta úr því og er löngu tímabært.  

Ríkisstjórnin er að standa sig í þessu mikilvæga máli.

 

Hundraða milljarða skattsvik

Bjarni Ben. mælti fyrir verri samningum en hann vill nú fella

Þjóðin láti ekki kúga sig
Innlent | mbl.is | 4.3.2010 | 20:21
Sjálfstæðismenn funduðu í Valhöll í dag, en þar gagnrýndi Bjarni Benediktsson, formaður flokksins, það hversu lítið reynt væri að gera úr fyrstu þjóðaratkvæðagreiðslunni á Íslandi. Sagði hann mikilvægt að landsmenn flykktust á kjörstað og sýndu í verki að þjóðin láti ekki kúga sig.
Lesa meira

-------------------------------------------------------------------------------------------------------------------------------

Í upphafi Icesave málsins seinnihluta ársins 2008 ,2 mánuðum eftir hrun, talað þessi sami Bjarni Benediktsson  þá alþingismaður Sjálfstæðisflokksins mjög fyrir samþykkt á nýgerðu samkomulagi við Breta og Hollendinga  sem þáverandi ríkisstjórn hafði gert.

Það samkomulag hljóðaði upp á 6 ára greiðslutíma og 6,7% vaxtaálag .

Þetta þóttu Bjarna núverandi formanni Sjálfstæðisflokks þau bestu kjör sem buðust. Hann mælti með þeim.

En stjórnin féll áður en sá samningur var frágenginn.

Núverandi ríkisstjórn tók við kaleiknum og fékk fram verulegar endurbætur eða 10 ára greiðslutíma og 5,5%vaxtaálag. 

Við þessi umskipti umhverfðist Sjálfstæðisflokkur og Framsókn gekk til liðs.  Þessari ósvinnu yrði að hafna.  Ögmundur í Vg kom þeim til hjálpar og ríkisstjórnin komst í raun í minnihluta.

Lítilsháttar endurbættum samningsdrögum hafnaði síðan forsetinn um áramótin. 

Þetta er nú staðan. 

Þjóðaratkvæðagreiðsla framundan.

Í loftinu liggur betri samningur eftir að Íslendingar fengu erlenda ráðgjafa til að leiða nýjar sameiginlegar viðræður við Breta og Hollendinga.

Það er því ljóst að áramótasamkomulagið er lakara en það sem nú liggur fyrir- en samt skal hafna  og segja í NEI í kosningunum. 

Þess krefst nú þessi sami Bjarni Benediktsson sem mælti fyrir þeim verstu samningsdrögum sem komið hafa fram í málinu og hefðu örugglega verið samþykkt á fyrstu mánuðum ársins 2009 ef Sjálfstæðisflokkur hefði enn haldið um fjármálastjórnina.  

Ekki tek ég eða mitt fólk  þátt í þessum skrípaleik . 

 

Þjóðin láti ekki kúga sig

Jóhannes í Bónus - fallið vörumerki ?

80% vilja ekki Jóhannes í Bónus
Innlent | mbl.is | 23.2.2010 | 13:51
80,1% eru frekar eða mjög andvíg því að Jóhannes Jónsson (Jóhannes í Bónus),starfandi stjórnarformaður Haga, fái að kaupa allt að 10% hlut í Högum af Arion Banka. Þetta kemur fram í nýrri könnun MMR.
Lesa meira

------------------------------------------------------------------------------------------------------------------------------

Það kemur ekki á óvart að 80% aðspurðra í skoðanakönnun lýsi yfir andstöðu við að Jóhannes í Bónus fái að kaupa 10 % hlut í hinu "gjaldþrota "fyrirtæki . 

Ekki er hægt að aftengja Jón Ásgeir Baugs útrásarvíking frá hugsanlegum gerningi Arion banka - að færa þeim feðgum Haga að nýju á silfurfati. Baugur er stærsta gjalþrotamál Íslandssögunnar .

Við, íslenska þjóðin verðum fyrir þungum búsifjum vegna þess- í einu eða öðru formi.

Og að þessir menn,Baugsfeðgar,  eigi að endurheimta Haga sem þeir "keyptu " útúr Baugi korteri fyrir gjaldþrot Baugs- hugnast þjóðinni ekki.

Þessi skoðanakönnun staðfestir það.

Einnig hefur þjóðfélagsumræðan vegna málsins verið á einn veg.  

Stjórnvöld eiga nú valið.

80% vilja ekki Jóhannes í Bónus

Icesave tilboð ekki ásættanlegt að mati Íslendinga

Tilboðið ekki ásættanlegt
Innlent | mbl.is | 22.2.2010 | 14:11
Forystumenn ríkisstjórnarinnar og stjórnarandstöðunnar eru sammála um að tilboð Breta og Hollendinga frá því fyrir helgina sé ekki ásættanlegt eða gott. Sent verður svarbréf vegna tilboðsins sem barst fyrir helgina. Það er þó ekki gagntilboð.
Lesa meira

-------------------------------------------------------------------------------------------------------------------------------

Stjórnmálaflokkarnir íslensku eru sammála um að tilboð Breta og Hollendinga  sem barst fyrir helgi helgina sé ekki ásættanlegt. 

Þó er inni í því 60-70 milljarða vaxtalækkun vegna áranna 2009 til 2010. 

Tafir á samþykkt Icesave af hálfu íslendinga hafa orðið okkur dýrar.Öll lánafyrirgreiðsla erlendis frá er stopp og það sem fæst er með óásættanlegum álögum.

Sökudólgurinn er hinn ósamþykkti Icesave reikningur.  Ef við hefðum gengið frá málinu í júní 2009 þá væri atvinnustigið miklu betra en nú er og öll lánafyrirgreiðsla í jafnvægi og efnahagslífið á uppleið. 

Það er því ljóst að tap þjóðarinnar vegna seinkunnar á lokum málsins er orðið mikið - einhverjir hundruð milljarðar ísl. króna. 

Stjórnarandstaðan hefur reynst þjóðinni dýr. 

En nú sitja allir stjórnmálaflokkar við samningsborðið og eru nauðbeygðir að koma fram saman með ásættanleg málalok sem Bretar og Hollendinga geti fallist á. 

Vonandi er lokaferillinn í Icesave nú í gangi og styttist í málalok.

 

Tilboðið ekki ásættanlegt

Töf á Icesave lausn dregur mátt úr atvinnulífinu

Atvinnuleysið ekki ásættanlegt
Innlent | mbl.is | 14.2.2010 | 10:50
Bág staða atvinnulífsins, hallærisrekstur fjölmargra fyrirtækja, afturför í velferðarmálum, fækkun starfa og 10% atvinnuleysi eru ekki ásættanleg framtíðarsýn að mati Samtaka atvinnulífsins. Þess vegna verður að grípa til aðgerða," segir Vilhjálmur Egilsson, framkvæmdastjóri SA, í leiðara nýs fréttabréfs samtakanna, sem hafa lagt fram víðtæka stefnumörkun undir heitinu „Atvinna fyrir alla - aðgerðaáætlun 

---------------------------------------------------------------------------------------------------------------------------------

Lýsing framkvæmdastjóra SA er rétt. 

Staða atvinnulífs og afturför í velferðarmálum  er slæm.

Ef þjóðin hefði borið gæfu til að klára þetta Icesave mál í júní á sl. ári hefði hér á landi verið bjartara yfir í atvinnu og efnahagsmálum.

Öll erlend lán til virkjana og stóriðjuframkvæmda hafa legið í láginni. Erlendir aðilar hafa haldið að sér höndum. Hátt skuldatryggingaálag hefur ekki hjálpað .

Dráttur á lánafyrirgreiðslu AGS hefur hægt enn meir á í efnahagslífinu.  Lausn á þessu Icesave máli er orðið brýnt að klárist á næstu vikum. 

Vonir um lausn þess hafa vaknað eftir að stjórn og stjórnarandstaða hafa sameinast um að knýja á Breta og Hollendinga um farsæla lausn. 

Við bíðum þess. 

En þegar losnar um lánafyrirgreiðslu og erlendir fjárfestar sækja á um orkusamninga- þá skapast hér hætta á nýrri græðgisvæðingu- að við kunnum okkur ekkert hóf. 

Að hér eigi að rífa allt upp með látum-strax. 

Mikilvægt er að röðun verkefna falli að okkar getu- að okkar vinnuafl sjái um allar þessar fyrirhuguðu framkvæmdir- að landið fyllist ekki af erlendu vinnuafli með erlendum verktakafyrirtækjum. 

Og að örfáum árum liðnu sitji við uppi með sama ástand og nú er.  Þessi hætta er fyrir hendi. 

Græðgisliðið hefur lítið lært.  Það er verið að fella niður risaskuldir þeirra og afhenda þeim hin föllnu fyrirtæki að nýju.

Mikilvægt er að stjórnvöld haldi með tryggum hætti um stjórnvölinn.

 

Atvinnuleysið ekki ásættanlegt

Búðarhálsvirkjun á framkvæmdastig .

Skref í mikilvægri framkvæmd
Innlent | mbl.is | 10.2.2010 | 11:52
Katrín Júlíusdóttir, iðnaðarráðherra, segir mjög ánægjulegt að Landsvirkjun taki skref fram á við í þeirri mikilvægu framkvæmd sem Búðarhálsvirkjun sé. Meðan fjármögnun sé enn ekki ljós sé mikilvægt að taka skref sem þýði að hægt sé að fara hratt af stað þegar hún verði í höfn.
Lesa meira

-------------------------------------------------------------------------------------------------------------------------------

Þó svo ekki sé um mikinn framkvæmdaáfanga að ræða við Búðarhálsvirkjun - þá skiptir þetta máli fyrir verktaka.

Ekki er líklegt að íslenskir verktakar fá samkeppni um verkið frá Evrópska efnahagssvæðinu. Áfanginn er of lítill til þess.

En eins og fram kemur eru það fjármögnunaliðirnir sem hindra byrjunarframkvæmdir við sjálfa virkjunina. 

Ekki er vafi á að Icesave málið sem ennþá er óleyst- er stór hindrun við útvegun hagstæðs fjármagns. Það mál er orðin mikill dragbítur á endurreisn efnahags og atvinnulífs.  Lausn þess má ekki dragast meir en orðið er. 

Það sýnist mikilvægt fyrir okkur Íslendinga að framkvæmdir við sjálfa virkjunina verði deilt í smáar útboðseiningar. Það  tryggir okkur betur að erlendir aðilar sjái sér ekki hag í að bjóða í verkið .

Og að framkvæmdum verði deilt á lengri tíma til að tryggja okkur sjálfum sem mesta vinnu við verkefnið á hagkvæman hátt.

Og nú er að tryggja gott orkuverð.  Samningar um það eru í gangi.  Nýr forstjóri Landsvirkjunar er tekinn til starfa .  Vonandi táknar það breytta tíma í orkusölu. 

Skref í mikilvægri framkvæmd

Stór aukning á lyfjaframleiðslu í Hafnarfirði

Actavis stækkar verksmiðjuna í Hafnarfirði
Viðskipti | mbl.is | 8.2.2010 | 9:27
Actavis hefur ákveðið að stækka lyfjaverksmiðju sína í Hafnarfirði. Í kjölfarið verða til meira en 50 ný störf hjá fyrirtækinu og framleiðslugetan á Íslandi eykst um 50%. Framkvæmdir hefjast fljótlega og er áætlað að framleiðsla í nýja hlutanum fari af stað um næstu áramót.
Lesa meira

-----------------------------------------------------------------------------------------------------

 Þetta eru mjög jákvæðar fréttir fyrir byggðalagið í Hafnarfirði -50% stækkun á Actavis lyfjaverksmiðjunni í Hafnarfirði.

Þessari stækkun fylgja a.m.k 50 ný störf. Fyrir bæjarfélag sem Hafnarfjörð skiptir þetta miklu máli.

Það er svo sannarlega fleira en álframleiðsla sem mynda gildar stoðir í atvinnulífinu í Hafnarfirði.

Til samanburðar má geta þess að væntanleg stækkun Rio Tintó álversins í Straumsvík um 40 þús. tonn/ári eykur starfsmannafjölda þess um 10 störf. Vegna þeirrar stækkunar þurfa Íslendingar að byggja Búðarhálsvirkjun með lántökum uppá 25-30 milljarða kr. 

En við stækkun Actavís þarf ekkert þannig framlag Íslendinga. Er ekki orðið tímabært að horfa til smærri og meðalstórra fyrirtækjakosta en stóriðjunnar einnar.

Við eigum mörg mjög góð tækifæri sem leynast í litlum og meðalstórum fyrirtækjum sem ekki krefjast rándýrra og skuldsettra mannvirkja sem virkjanir eru.

Fyrirtæki sem þurfa á miklum fjölda velmenntaðra starfsmanna að halda.

Veitum þeim kostum meiri athygli...

50 ný störf hjá Actavis

Verkmenntun hafin til vegs og virðingar

Stóðu sig vel á sveinsprófi
Innlent | mbl.is | 7.2.2010 | 8:27
Átján framúrskarandi sveinar sem luku sveinsprófi á síðasta ári fengu viðurkenningu Iðnaðarmannafélagsins í Reykjavík við hátíðlega athöfn sem efnt var til í Ráðhúsi Reykjavíkur í gær. Þá var Björgvin Tómasson orgelssmiður á Stokkseyri útnefndur iðnaðarmaður ársins.
Lesa meira

------------------------------------------------------------------------------------------------------

Það er orðið tímabært að hefja upp verkmenntunina í landinu . Nú þegar harðnað hefur í dalnum í efnahagslífinu og gjaldeyrir er orðinn verðmætari en um áratugi verður góð verkmenntun gulls ígildi.

Fjármálabólan sem keyrt hefur efnahaginn í lægstu lægðir var keyrið áfram af mikilli alþjóðlegri hámenntun. Bankarnir soguðu til sín allt úrvalið sem háskólarnir útskrifuðu.

Allt kapp var lagt á "æðri" menntun hún átti að vera það afl sem fleytti okkur í fremstu röð í heiminum. Verkmenntun varð hornreka og ekki í hávegum höfð.

Verkmenntunarstigi þjóðarinnar hrakaði stórlega á síðustu áratugum. Það þótti ekki fínt að vera verkmenntaður.

Nú er fjármálabólan sprunginn með miklum hvelli og hámenntaða unga fólkið er að mestu horfið úr fjármálakerfinu.

Það er mikil slagsíða á menntun þjóðarinnar.

Ofmenntun á háskólastigi umfram þörf þjóðarinnar blasir við.  Vinna við hæfi er ekki til í landinu fyrir alla þessa háskólamenntun. Þetta fólk leitar af landi brott í leit að atvinnu við hæfi erlendis.

En íslenskt þjóðfélag mun breytast hratt frá fjármálaþjóðfélaginu sem kom okkur í koll - yfir í útflutningsframleiðslu þjóðfélag .

Þar liggja  okkar tækifæri í dag og næstu áratugina. Framleiðsluþjóðfélag á útflutningsstigi

Og þá verður gildi góðrar verkmenntunnar gulls ígildi.

Þetta er tímanna tákn að forseti Íslands skulu nú veita verðlaun fyrir framúrskarandi árangur í verkmennt.

Stóðu sig vel á sveinsprófi

Var aftaka Þjóðhagsstofnunnar grundvallarmistök ?

 Hermann Guðmundsson skrifa ágætan pistil á Pressuna þ.06.02.2010

Þar segir m. a. :

 "Þessa dagana er að koma út bók sem skrifuð er af Hank Paulson fyrrum fjármálaráðherra Bandaríkjanna og þar áður forstjóri virtasta fjárfestingabanka heims, Goldman Sachs.

Í þessar bók lýsir Paulson í smáatriðum þeirri atburðarás sem við þekkjum orðið svo vel frá haustinu 2008. Hann er að lýsa glímu Bandaríkjamanna við stærsta fjármálakerfi veraldar.....

Þegar hann hitti George W. Bush forseta í fyrsta sinn til að ræða stefnumál  í ágúst 2006, sagði hann við forsetann;  „Við eigum eftir að glíma við mikinn vanda á fjármálamörkuðum næstu misserin."

 Forsetinn spurði Paulson hvað myndi verða til að kveikja þann vanda og Paulson sagðist ekki vita það.  Hann sá ekki fyrir að fasteignalán til kaupenda sem ekki gátu greitt myndi verða sú þúfa sem velti þessu þunga hlassi. Honum fannst hins vegar sem boginn væri almennt of spenntur og það myndi ekki leysast nema í gegnum sársaukafulla leiðréttingu.

Það sem mér þykir athyglisvert er að þegar hann er spurður að því hvaða lærdóm megi draga af því sem gerðist og hvaða endurbætur séu brýnar á eftirlitshlutverkinu þá telur hann að brýnasta verkefnið sé að á einum stað í stjórnkerfinu verði að vera til staðar valdamikill aðili sem horfir eingöngu til kerfisáhættu. Þessi aðili þurfi að horfa inní banka, sjóði, lífeyrisjóði, tryggingafélög og skylda aðila með það að markmiði að tryggja að áhættan í kerfinu sé þekkt og henni megi stýra með beinum tilskipunum.

Að ekki hlaðist upp á mörgum stöðum stórar skuldbindingar sem samanlagt geta haft mjög alvarlegar"....

http://www.pressan.is/pressupennar/LesaHermann/a-barmi-heimskreppu

--------------------------------------------------------------------------------------------------

Er hér ekki komin góð sönnun þess hversu dýrkeypt sú aðgerð var okkur Íslendingum að leggja niður Þjóðhagsstofnun á sínum tíma ?  

Öllum verkefnum Þjóðhagsstofnunar var við niðurlögn hennar- dreift vítt og breitt um stjórnkerfið- heildaryfirsýn hvarf . Enginn einn aðili hafði heildayfirsýn yfir efnahagskerfið. Og allt efnahagskerfi okkar hrundi.

Er ekki mikil þörf á því nú að endurvekja ígildi Þjóðhagsstofnunnar ? 

Allavega greining   Hank Paulson fyrrum fjármálaráðherra Bandaríkjanna og þar áður forstjóri virtasta fjárfestingabanka heims, Goldman Sachs.-bendir til þess...

 

 

Lenda Hagar hjá Bónus-feðgunum á ný ?

Hagar í Kauphöllina
Innlent | mbl.is | 4.2.2010 | 16:05
Stjórn Arion banka hefur ákveðið að óska eftir skráningu Haga í Kauphöllina í samvinnu við Haga og selja hlut bankans í félaginu. Almenningi og fagfjárfestum mun standa til boða að kaupa hluti í félaginu. Núverandi stjórnendum Haga býðst að kaupa 15% hlut og þar af Jóhannesi Jónssyni, starfandi stjórnarformanni Haga, allt að 10% hlut.

---------------------------------------------------------------------------------------------------

Hún var undarlega mikil ánægjan hjá Jóhannesi í Bónus þegar tilkynnt var um að Hagar færu á frjálsan markað í Kauphöllinni og hann og aðrir stjórnendur Haga fengju að kaupa 15% hlut í forgang.

Öðruvísi mér áður brá þegar sneiða átti að þeim feðgum Jóhannesi og Jóni Ásgeir. Þá var heilt lögmannastóð kallað til og fjölmiðlagrúppunni þeirra beitt af öllu afli.

Og hversvegna þessi mikla sátt nú ? 

Getur það verið að undir liggi að þeir eigi að kaupa Haga að nýju frá Kauphöllinni þegar búið er að hreinsa og afskrifa allar þeirra 40-50 milljarða skuldir ? Nú er fáu treyst og síst þessum gerningi Arion banka.

Þessu ferli er ætlað að taka einhverja mánuði.

Það er ódýrt að versla í Bónus er slagorð. En er það svo ódýrt þegar almenningur er látinn greiða þessa tugmilljarða tap á samstæðunni ?  

Já ánægjan hjá Jóhannesi í Bónus leynir sér ekki...

Við bíðum og fylgjumst með...

Hagar í Kauphöllina

Segir Seðlabanka Ísl. hafa logið til um stöðu Landsbankans fyrir hrun.

Segir Íslendinga hafa logið að Hollendingum

Arnold Schilder.

Fyrrverandi stjórnarformaður hollenska fjármálaeftirlitsins segir að Íslendingar hafi logið að H trekk í trekk þegar þeir síðarnefndu óskuðu eftir upplýsingum um ástand íslenska fjármálakerfisins, misserin fyrir hrun. Þetta kom fram máli Arnolds Schilder sem í dag bar vitni fyrir rannsóknarnefnd á hollenska þinginu sem rannsakar fjármálakreppuna sem gengið hefur yfir heiminn.

„Íslenskir kollegar okkar, ég get ekki orðað það öðruvísi, lugu að okkur," sagði Schilder frammi fyrir nefndinni en yfirheyrslunum er sjónvarpað. Hollendingarnir spurðu ítrekað um stöðu Landsbankans, í ljósi þess að bankinn var að bjóða Hollendingum að leggja inn á Icesave reikningana. „Við spurðum þá margsinnis hvernig gengi og alltaf var sama svarið, að það væri allt í himnalagi."

Schilder sagði að seðlabankar í öðrum löndum hefðu einnig átt það til að fegra hlutina en að Íslendingar hefðu verið sér á parti, vegna þess hve Icesave málið var stórt í sniðum.

-------------------------------------------------------------------------------------------------

Þetta eru nöturlegar fréttir frá rannsóknarnefnd Hollendinga um Icesave reikningana þar í landi.

Seðlabanki Íslands fullyrti allt frá stofnun þessara Icesave reikninga að Landsbankinn væri traustur og með sín fjármál í fullkomnu lagi-ekkert að óttast fyrir Hollendinga.

Á sama tíma er Seðlabankastjóra Íslands fullljóst að bankakerfið Íslenska riðar til falls- eða svo hefur hann ítrekað fullyrt í fjölmiðlum- eftir Hrun.  Þessi þjóð er ekki aðeins spillt í augum þjóðanna í Evrópu- hún er gjörspillt- Lygarar.  

Ekki bæta þessar nýju staðhæfingar stöðu okkar gagnvart greiðslu á Icesave skuldinni-þvert á móti....

Tónlistarhúsið fjármagnað með Icesave fjármunum ?

Beint í meginmál síðu.

Vísir, 26. jan. 2010 15:36

Hjálmar Sveinsson útvarpsmaður sækist eftir þriðja sætinu í prófkjöri Samfylkingarinnar í Reykjavík.

Tónlistar- og ráðstefnuhúsið við höfnina í Reykjavík er líkast til fjármagnað að hluta til með Icesave. Þetta segir útvarpsmaður Hjálmar Sveinsson sem gefur kost á sér í prófkjöri Samfylkingarinnar í Reykjavík. Húsið sé því að einhverju leyti í boði breskra líknarfélaga og bæjarfélaga.

Hjálmar fjallar um Tónlistar- og ráðstefnuhúsið í pistli á Eyjunni. Hann segir framkvæmdastjóri eignarhaldsfélagsins Portus, sem var í eigu Landsbankans og Nýsis, hafi sagt sér að árið 2007 hafi framkvæmdirnar verið stopp því Landsbankanum tókst ekki að útvega meira fjármagn. Nokkrum vikum síðar hafi fjármagnið farið að flæða á ný og framkvæmdir haldið áfram af fullum krafti fram á haustið 2008.

„Framkvæmdarstjórinn kvaðst ekki í nokkrum vafa að þarna voru Icesafe-peningar á ferð. Það þýðir að tónlistarhöll okkar Reykvíkinga er að einhverju leyti í boði breskra líknarfélaga, bæjarfélaga, lögreglufélaga og einstaklinga sem settu sparnaðinn sinn inn á Icesafe-reikninga árin 2007 og 2008," segir Hjálmar í pistlinum sem er hægt að lesa hér.

--------------------------------------------------------------------------------------------------

Þetta er sennilega staðreyndin. Ekki gerir það hlut okkar betri í þessari Icesave deilu. Líklega er mörg byggingin hér greidd með þessu fé.  Og 65-70% af Íslendingum vill ekki greiða túskilding til baka af þessu ránsfé frá Bretlandseyjum. Ekki mjög hátt siðferðisstig á Íslandi í dag....Svarið kemur fram í væntanlegri þjóðaratkvæðagreiðslu í byrjun mars 2010....Við bíðum þess.

Hindrar Icesave birtingu skýrslu Rannsóknarnefndar ?

Skýrslan frestast enn lengur
Innlent | mbl | 25.1.2010 | 11:04
Skýrsla rannsóknarnefndar Alþingis verður ekki birt 1. febrúar eins og stefnt hefur verið að. Aðalástæða þess er sú að nefndin hefur í störfum sínum fundið fleiri atriði sem hún telur sig þurfa að gera grein fyrir. Er nú stefnt að því að skila skýrslunni um mánaðarmótin febrúar og mars.
Lesa meira

----------------------------------------------------------------------------------------------------

Þessi tilkynning um enn eina frestunina á birtingu þessar Hrun-orsakaskýrslu- er ótrúverðug í augum okkar almúgans.

Það eru liðni 3 mánuðir frá því skýrsla átti að koma út.

Og ennþá er henni frestað a.m.k um einn mánuð.

Annaðhvort er hér á ferðinni ómarksvisst verklag eða pólitísk inngrip.

Eðlilegt er þetta ekki.

Er það hið pólitíska inngrip sem vegur þyngst ? 

Er verið að fresta birtingu vegna mikilvægis þess að ICESAVE- klúðrið verði komið í loka farveg eða því lokið ? 

Skýrslan frestast enn lengur

Sjálfstæðisflokkurinn og ICESAVE

Flokkarnir hætti að rífast um Icesave
Innlent | mbl.is | 19.1.2010 | 16:49
Þráinn Bertelsson alþingismaður segir þjóðarnauðsyn að stjórnmálaflokkarnir hætti að rífast um Icesave og snúi sér að því að leysa málið. Hann segir að rökræður sem átt hafi sér stað á fundum formanna flokkanna ekki benda til þess að menn séu leysa málið.
Lesa meira

-----------------------------------------------------------------------------------------------------

Stendur það Sjálfstæðisflokki ekki næst að ganga til samstarfs um að leysa þetta illvíga mál ? 

Á haustdögum 2008 þegar eftir bankahrunið  skrifðu þeir Davíð Oddsson þáv. Seðlabankastjóri og Árni Matthiesen þáv. fjármálaráðherra  undir skuldbindingu Íslands gagnvart Hollendingum og Bretum vegna ICESAVE- fyrir hönd ríkisstjórnar Íslands.

Á þeim samningi grundvölluðu Bretar og Hollendingar útgreiðslu til innistæðueigenda í þessum hörmungarbanka Landsbankanum- til sinna þjóða.

Íslenska þjóðin var sett í ICESAVE skuldahlekkina á þessari stundu.

Það stendur því uppá Sjálfstæðisflokkinn að ganga til samstarfs um lausn á þessu máli og það áður en íslenska þjóðin fer efnahagslega á hnén eins og að stefnir að óbreyttu og eða fer í greiðsluþrot.

 

Flokkarnir hætti að rífast um Icesave

LÍÚ sægreifar berjast gegn strandveiðum sjávarbyggðanna.

Segir strandveiðar sóun á verðmætum

Friðrik J. Arngrímsson, framkvæmdastjóri LÍÚ segir strandveiðarnar sóun á verðmætum, hvar sem á sé litið

Í skýrslunni sem um ræðir kemur fram að aðeins 56 prósent forsvarsmanna fiskmarkaða og fiskkaupenda telja að gæði þess fisks sem barst á landi í strandveiðunum síðasta sumar standist samanburð við annan afla.

Friðrik segir að allt of margir bátar hafi verið að veiðum með tilheyrandi offjárfestingu. Þá standist gæði stórs hluta strandveiðiaflans ekki samanburð við annan afla sem berst að landi. Svör kaupenda staðfesti það.

"Í strandveiðunum voru aflaheimildir og þar með atvinna tekin af fyrirtækjum og sjómönnum sem starfa allan ársins hring til þess eins að afhenda öðrum, sem svo skiluðu lakara hráefni til vinnslu og þar með lægra verði. Þar er enn einn ein birtingarmynd sóunarinnar," segir Friðrik.    ([e-mail]).

--------------------------------------------------------------------------------------------------

Já það virðist sem engir geti veitt fisk af einhverju viti og arðsemi nema Sægreifar LÍÚ sem hafa einokun á öllum fiskveiðum innan 200 sjómílna landhelgi Ísland.

Dragi einhver fisk aðrir en þeir þá  ganga þeir af göflunum. Strandveiðar sem stofnað var til sl. vor gengu mjög vel fyrir sig um landið en afli að sjálfsögðu misjafn eftir landshlutum.

Vestfirðirnir komu best út- enda gjöful fiskislóð og stutt á miðin.

Og aflinn var lyftistöng fyrir vinnu fólksins í sjávarbyggðunum sem kvótaólögin eru búin að rústa ,um tíðina.

Friðrik LÍÚ agent vitnar í fiskkaupendur og segir 56 % þeirra vera óánægða með gæði fisksins. Ef satt er segir það þá ekki sögu af brottkasti Sægreifanna- að þeir velji aðeins það besta og verðmætasta á markað-hitt fer í hafið aftur.Kvótinn er freisting til þannig umgengni um auðlindina.

Strandveiðibátarnir eru líklegri til að koma með allan aflann að landi- velja ekki úr. Sjálfur stunda ég fiskveiðar utan kvóta og  kem með allan afla að landi-engu hent.

Nú er barátta LÍÚ sægreifanna að hefjast gegn endurnýjuðum strandveiðiheimildum og þeir berjast sem ljón gegn veiðiheimildum á skötusel utan kvóta . Og þeir hóta að sigla fiskveiðiflotanum í land og binda við bryggju- hætti ríkisstjórnin ekki við fyrningu aflaheimilda.

Það á að taka þennan kvótakaleik af Sægreifum LíÚ og afhenda eigandanum íslensku þjóðinni. Braski sægreifanna með fiskinn  verður að ljúka hið fyrsta. Upphafið að hruninu er hægt að rekja til gjafakvóta og framsals veiðiheimilda .

Mál að linni.

 

 

 

 

Friðun grunnslóðar og vistvænar veiðar

Kannar hvort takmarka skuli veiðar á grunnslóð

Jón Bjarnason sjávarútvegsráðherra hefur ákveðið láta kanna kosti þess að veiðar afkastamikilla skipa á grunnslóð og inn á fjörðum verði takmarkaðar frá því sem nú er.

Markmiðið er að treysta grunnslóðir sem veiðislóð fyrir smærri báta og umhverfisvæna veiði. Í tilkynningu segir að í þessu felist að við veiðar og nýtingu verði gætt að verndun sjávarbotnsins og vistvænum veiðiaðferðum beitt.

Í sjávarútvegs- og landbúnaðarráðuneytinu liggja fyrir margvíslegar ályktanir og jafnvel undirskriftalistar um verndun grunnslóðar frá ýmsum aðilum og sveitarfélögum út um land allt. Eru þær með ýmsu móti en flestar ganga út á að ákveðin svæði eða heilu firðirnir verði verndaðir fyrir afkastamiklum veiðarfærum sem geta skaðað umhverfið. Jafnvel hafa verið sett fram svo róttæk sjónarmið að lagt er til að allt svæðið umhverfis landið innan 3-4 sjómílna verði verndað með þessum hætt.....

og..

Vinna að upplýsingaöflun er þegar hafin í ráðuneytinu og hefur Guðjóni Arnari Kristjánssyni verið falin umsjón með verkefninu innan auðlindadeildar ráðuneytisins. Síðan verður skipaður starfshópur til að fjalla um verkefnið.
Það er stefna sjávarútvegs- og landbúnaðarráðherra Jóns Bjarnasonar að sjálfbær og siðferðilega ábyrg nýting lífrænna auðlinda hafsins verði ætíð höfð að leiðarljósi við stjórn fiskveiða og er þetta verkefni skipulagt með það að leiðarljósi.

[e-mail]

-------------------------------------------------------------------------------------------------

Hér er merku máli komið í góðan farveg. Í um 100 ár hafa botndregin veiðarfæri skafið Íslandsmið sem jarðýtur og sl. 25 árin hafa veiðarfærin þrefaldast að umfangi og þyngd ásamt því að vélarafl skipanna hefur margfaldast.

Áhrifin á lífríkið á botninum eru hrikaleg og uppeldisskilyrði fyrir ungviðið hörmulegt.

Það er orðið löngu tímabært að ýta þessum rányrkjuskipum af grunnslóð og nýta hana eingöngu fyrir vistvænar veiðar .

Lítill vafi er á að síminnkandi afrakstur Íslandsmiða á djúpar rætur í þessari skelfilegu meðferð sem tog og dragnótaveiðar eru á grunnslóðinni. Þessari ákvörðun sjávarútvegsráðherra er fagnað og ekki skaðar að Guðjón Arnar Kristjánsson eigi að stýra verkefninu . 

Nú er bara að fyrna kvótann sem sægreifunum var afhentur að gjöf og þjóðinni færður hann til baka.

Samhliða þarf að stórauka vistvænar veiðar og ýta dregnum veiðarfærum út fyrir 200 mílurnar...

Sjálfstæðisflokkur málar sig út í horn.

Bjarni: Eigum aðra kosti
Innlent | mbl.is | 9.1.2010 | 11:18
Bjarni Benediktsson, formaður Sjálfstæðisflokksins, segir ekki rétt að Íslendingar eigi ekki annan kost en að samþykkja Icesavelögin. Að sjálfsögðu á þjóðin það í þeirri sterku lagalegu stöðu sem Íslendingar eru í. Það stenst ekki skoðun að hér fari allt á hliðina ef lögin fái ekki framgang.
Lesa meira

-----------------------------------------------------------------------------------------------------

Eftir þennan lestur á ræðu formanns Sjálfstæðisflokksins er ljóst að hann stefnir að endalausri þrætu um málið - án þess að stefna að nokkurri lausn fyrir þjóðina. 

Í hans augum snýst málið eingöngu um að þyrla upp moldviðri í þeirri von að ríkisstjórnin falli. Skoðanakannanir sýna að málflutningur stjórnarandstöðunnar hlýtur ekki stuðning kjósenda.

Ríkisstjórnin heldur meirihluta .

Barátta stjórnarandstöðunnar hefur beðið skipbrot. 

Nú er ekkert annað en að þjóðin samþykki ICESAVE samninginn í þjóðaratkvæðagreiðslu og ljúki þessu hörmungarmáli Sjálfstæðisflokksins.

Næsta mál er skýrsla Rannsóknarnefndar Alþingis. Hún verður birt eftir fáeina daga. 

Sjálfstæðisflokki verða engin grið gefin...við niðurstöðu hennar.  Þeir hafa málað sig út í horn.

Bjarni: Eigum aðra kosti

ICESAVE samningarnir í þjóðaratkvæði.

Lög um þjóðaratkvæði samþykkt
Innlent | mbl.is | 8.1.2010 | 19:45
Lög um þjóðaratkvæðagreiðslu um gildi laga um ríkisábyrgð vegna Icesave voru samþykkt á Alþingi í kvöld. Tillagan var samþykkt samhljóða með atkvæðum 49 þingmanna. Að svo búnu var samþykkt frestun Alþingis til 29. þessa mánaðar.
Lesa meira

            Flosagjá á Þingvöllum

 

 

------------------------------------------------------------------------------------------------------

Nú þarf að fara í gang ýtarleg kynning á hvað " Já " atkvæði þýðir og sömuleiðis hvað "NEI" atkvæði þýðir.

  Það er ekkert gefið að fólk geri sér þetta ljóst.

Svo mikið er búið að rugla þjóðina í ríminu.

Þetta mun vera fyrsta þjóðaratkvæðagreiðslan sem Alþingi samþykkir lög um að framkvæma. 

Síðasta þjóðaratkvæðagreiðsla var fyrir > 65 árum síðan - vegna lýðveldisstofnunar  Íslands.

Nú er bara að kynna sér málin.

Lög um þjóðaratkvæði samþykkt

Að ljúka milliríkjadeilunni um Icesave

 

 Ekki setja Ísland í skuldafangelsi
Innlent | mbl.is | 7.1.2010 | 7:29
Breska viðskiptablaðið Financial Times segir í leiðara í dag, að Landsbankamálið hafi sýnt fram á, að Evrópa verði að styrkja sameiginlegt regluverk sitt. Það verði ekki gert með því að setja Ísland í skuldafangelsi.
Lesa meira

 -----------------------------------------------------------------------------------------------

Mestu mistökin í upphafi hrunsins voru að mismuna innistæðueigendum eftir þjóðerni. 

Ef það hefði ekki verið gert og jafnræði látið gilda, þá væri ekkert ICESAVE og við ekki í teljandi vanda-í dag.

Þjóðaratkvæði um fyrri samninga er ekki gæfulegt með öllum þeim átakaundanfara sem það útheimtir.Og ekki bætir úr skák að skýrsla Rannsóknarnefndar Alþingis verður birt eftir nokkra daga. Þar bætist við mikill eldiviður í hugsanlega þjóðaratkvæðagreiðslu. Við megum ekki við frekari upplausn.

 Nú er stóra málið að fá erlendan milligöngumann (sáttasemjara) sem verði leiðandi hjá þverpólitískum hópi Íslendinga við gerð samnings við Breta og Hollendinga- sem líkur þessu ömurlega máli- með sæmilegri sátt - allra...

Ekki setja Ísland í skuldafangelsi

Framkvæmdir stöðvast ein af annari

Frétt af mbl.is

Framkvæmdir við gagnaver stöðvaðar
Innlent | mbl.is | 6.1.2010 | 12:14
Framkvæmdir við gagnaver Verne Holding hafa verið stöðvaðar. Fram kemur á fréttavef Víkurfrétta að tugir iðnaðarmanna, sem hafa verið við störf við mikla uppbyggingu húsnæðis fyrirtækisins, hafi fengið bréf um að leggja verkfærunum þangað til annað kæmi í ljós.
Lesa meira

Þökk sé forseta vorum.  Ætli hann sé í sæmilegu sambandi þarna suður í Indlandi...

Framkvæmdir við gagnaver stöðvaðar